سه‌رۆكێ هه‌رێما كوردستانێ پێشوازى ل وه‌زیرێ ساخله‌مییا ئوردنێ كر

سه‌رۆكێ هه‌رێما كوردستانێ و وه‌زیرێ ساخله‌مییا عیراقێ هاریكارى و هه‌ماهه‌نگییا دناڤبه‌را وه‌زاره‌تا ساخله‌مییا ئوردنێ دگه‌ل وه‌زاره‌تا ساخله‌مییا حكومه‌تا هه‌رێما كوردستانێ و حكومه‌تا فیدرال گوتوبێژكر.

نێچیرڤان بارزانى سه‌رۆكێ هه‌رێما كوردستانێ پێشوازى ل فیراس ئه‌لهه‌وارى وه‌زیرێ ساخله‌مییا ئوردنێ و شاندێ دگه‌لدا كر.

د دیداره‌كێدا كو وه‌زیرێن ساخله‌مییا حكومه‌تا فیدرال و حكومه‌تا هه‌رێما كوردستانێ تێدا د ئاماده‌بوون، به‌حسێ رێكخستنا حه‌فتییا ساخله‌مییا كوردستانى – ئوردنى كر، كو نوكه‌ ل هه‌ولێرێ ب رێڤه ‌دچیت و تیشك ئێخسته‌ سه‌ر بابه‌تێن وێ.

نێچیرڤان بارزانى سوپاسییا هاریكارى و هه‌ماهه‌نگییا دناڤبه‌را وه‌زاره‌تا ساخله‌مییا ئوردنێ دگه‌ل وه‌زاره‌تا ساخله‌مییا حكومه‌تا هه‌رێما كوردستانێ و حكومه‌تا فیدرالییا عیراقێدا كر و دووپاتكر، هه‌رێما كوردستانێ و عیراق دشێن د هه‌ردوو بوارێن نوشدارى و پێشڤه‌برنێدا مفاى ژ ئه‌زموونا سه‌ركه‌ڤتییا ئوردنێ وه‌ربگرن.

پێشڤه‌برنا په‌یوه‌ندییێن ئوردنێ دگه‌ل عیراق و هه‌رێما كوردستانێ و هاریكارى و هه‌ماهه‌نگییا زێده‌تر دبوارێ ساخله‌مى و نوشداریدا، ته‌وه‌ره‌كێ دییێ دیدارێ بوو.