شوان كه‌لاری: نییەتێن خراب ل پشت جۆداکرنا پارێزگەھا سلێمانییێ ھەنە

ئاژانسا خانی ” تایبەت:

پەرلەمانتارەکێ فڕاکسیۆنا پارتی ئاشکرا کر، ھەموو فڕاکسیۆنێن کوردستانی ل دژی سەرەدەرییا راستەوخۆیا بەغدانه‌ ل گەل سلێمانییێ ب تنێ ئێکەتی نەبیت” ھەروەسا ھۆشدارییێ ددەت ل دۆر زێدەکرنا بڕگەکێ و دبێژیت، نییەتێن خراپ ل پشت ھەنە.

شوان کەلاری، پەرلەمانتارێ فڕاکسیۆنا پارتی ل پەرلەمانێ عێراقێ بۆ ئاژانسا خانی دیارکر” ھەموو فڕاکسیۆنێن کوردستانی ل دژی سەرەدەرییا راستەخۆیا بەغدا بوون ل گەل پارێزگەھا سلێمانییێ، ب تنێ فڕاکسیۆنا ئێکەتییێ ل گەل ڤێ چەندێ بوو” كو بەغدا سەرەدەرییێ ل گەل سلێمانییێ بکەت، چونکی سەرەدەرییا راستەوخۆ ل گەل پارێزگەھەکێ ئەم ب دەستێوەردان و لێدان ل ھەرێما کوردستانێ دزانین.

شوان کەلاری گۆت ژی” ئەجندایێن سیاسی ل پشت ئەڤێ بزاڤێ ھەنە بۆ جۆداکرنا پارێزگەھا سلێمانییێ و مەرەم ئەوە ھەرێما کوردستانێ بھێتە بچووک كرن، ھەر چەندە ئەو بڕگە ناھێتە بجهئینان، بەلێ نییەتێن خراب ل پشت ھەنە بۆ پاشەڕۆژێ و بەرۆڤاژی مادێن ئێک و ١١٧ یێن دەستوورینە.