<h3 style="text-align: justify;"><span style="font-size: 18pt;">ل چینێ پێكئینانا ژیانا هه‌ڤژینییێ د 37 سالێن بووریدا بۆ نزمترین ئاست داكه‌ڤت، به‌رپرسێن چینێ دبێژن، ژ وى ده‌مێ ده‌ست ب تۆماركرنا ژماره‌یا پێكئینانا هه‌ڤژینییێ كرى، سالا 2022ێ كێمترین بوو.</span></h3> <h3 style="text-align: justify;"><span style="font-size: 18pt;">میدیایا فه‌رمییا چینێ به‌لاڤكر، ل سالا 2022ێ ل چینێ حه‌فت ملیۆن و 630 هزار هه‌ڤبه‌ستێن هه‌ڤژینییێ هاتبووینه تۆماركرن، ئه‌وژى دبیته كێمترین ژماره ژ سالا 1986ێ وه‌ره.</span></h3> <h3 style="text-align: justify;"><span style="font-size: 18pt;">پێكئینانا ژیانا هه‌ڤژینییێ ل چینێ ل سالا 2013ێ ده‌ست ب كێمبوونێ كر، كو ل وێ سالێ 13 ملیۆن و 460 هزار هه‌ڤبه‌ستێن هه‌ڤژینییێ هاتبوونه تۆماركرن، بۆ جارا ئێكێ كو ژماره هاتییه دبن 10 ملیۆن كه‌ساندا، ل سالا 2019ێ بوو.</span></h3> <h3 style="text-align: justify;"><span style="font-size: 18pt;">ل دووڤ هى یافۆ دیمۆگرافیاناسێ چینى، پرۆسه‌یا هه‌ڤژینییێ ل چینێ نه ب تنێ ل سالا 1986ێ كێمبوویه، به‌لكو ژ سالا 1980ێ وه‌ره ب وى جۆرییه.</span></h3> <h3 style="text-align: justify;"><span style="font-size: 18pt;">ئه‌و دیمۆگرافیاناسه ئه‌گه‌رێن كێمبوونا پێكئینانا ژیانا هه‌ڤژینییێ بۆ كێمبوونا گه‌نجان ڤه‌دگه‌رینیت و دبێژیت: ئه‌گه‌ره‌كێ دى ئه‌وه كو ل چینێ ژن ژ زه‌لامان كێمترن.</span></h3> <h3 style="text-align: justify;"><span style="font-size: 18pt;">ل دووڤ دووماهى سه‌رژمێریارییا حكومه‌تا چینێ كو ل سالا 2020ێ كرییه، 17 ملیۆن و 520 هزار وه‌لاتییێن ره‌گه‌زێ نێر یێن ژییێ وان دناڤبه‌را 20 بۆ 24 سالییێدا ژ یێن مێ زێده‌ترن.</span></h3> <h3 style="text-align: justify;"><span style="font-size: 18pt;">ئێك ژ ئه‌گه‌رێن دى ئه‌وه، ژییێ پێكئینانا هه‌ڤژینییێ ل ده‌ڤ كچان ژ 24 سالییێ بۆ نێزیكى 28 سالییێ بلندبوویه، ل ده‌ڤ كوران ژى ژ نێزیكى 26 سالییێ بۆ 30 سالییێ بلندبوویه.</span></h3>
