<h3 style="text-align: justify;"><span style="font-size: 18pt;">بهرپرسێ پهیوهندییێن گشتىیێن پارتى دیموكراتى كوردستان دبێژیت : ئهو ژ پێنگاڤێن ل دهمێ دهنگدانێ ل سهر پرۆژهقانوونا بودجهى ب دژى ههرێما كوردستانێ هاتینه هاڤێتن د دلگرانن، لێ ئهو دلگرانییه نهگههشته وى ئاستى كو ژ رێككهڤتنا خوه دگهل لایهنێن ههڤپهیمانییا ب رێڤهبرنا دهولهتێ پهشیمان ببن.</span></h3> <h3 style="text-align: justify;"><span style="font-size: 18pt;">جهعفهر ئیمینكى ئهندامێ كۆمیتهیا ناڤهندى و بهرپرسێ پهیوهندییێن گشتییێن پارتى دیموكراتى كوردستان راگههاند، داخوازا وان ئهوبوو رێز ل رێككهڤتنا دناڤبهرا ههولێر و بهغدا دا بهێته گرتن، ژبهركو ئهوى بابهتى رهههندا دارایى ههیه، دڤیابا دهقێ حكومهتێ بكهڤیته د دهنگدانێدا و ئهگهر دهنگ نهئینابا، دووڤدا پێداچوون بۆ هاتباكرن، لژنهیا دارایى گهلهك دهستههلات ب خوه دابوو، سهرهدهرییهكا خراب دگهل پرۆژه قانوونێ هاتهكرن و بوو ئهگهرێ تێكدانا ههست و سوزێن خهلكى.</span></h3> <h3 style="text-align: justify;"><span style="font-size: 18pt;">ل دۆر رێككهڤتنا دگهل لایهنێن ههڤپهیمانییا ب رێڤهبرنا دهولهتێ، جهعفهر ئیمینكى گوت: ئهوا درێككهڤتنا ههڤپهیمانییا ب رێڤهبرنا دهولهتێدات ههى د دهقێ بنهرهتدا هاتبوو، لێ هندهك دانوستاندنێن سیاسى یێن نهدجهێ خوهدا ل پهرلهمانى ههبوون كو ئهو دلگران كرن، لێ دلگرانى نهگههشته ئاستێ پهشیمانییێ.</span></h3> <h3 style="text-align: justify;"><span style="font-size: 18pt;">ئهندامێ كۆمیتهیا ناڤهندییا پارتى دبێژیت: بهغدا گهلهك ژ هندێ لاوازتره كو بشێت ههرێما كوردستانێ ب لڤینیت، لێ هندهك هێزێن ههرێمى و نێڤدهولهتى ههنه، وهسا دبینن ههرێما كوردستانێ گهلهك ژ ئاستێ خوه مهزنتر لێهاتییه، بهغدا كونترۆل ل سهر نهفتا خو نینه ههتاكو بشێت كونترۆلا خوه ل سهر نهفتا ههرێما كوردستانێ ب سهپینیت، بهغدا نهشیایه مفاى ژ نهفتا خوه ببینیت داكو بشێت مفاى ژ نهفتا ههرێما كوردستانێ ببینیت.</span></h3> <h3 style="text-align: justify;"><span style="font-size: 18pt;">ئیمینكى ئاشكراكر، ههرێما كوردستانێ دێ ل وى دهمى لاواز بیت، دهمێ لایهنێن كوردستانى ل ههرێما كوردستانێ پهرتهوازه ببن، ئهو نهتهبایا نوكه ل ههرێما كوردستانى ههی بوویه ئهگهرێ هندێ بهغدا ئهوان بریاران دژى ههرێما كوردستانێ بدهت، ههرێما كوردستانێ یا بێ دهستههلات نینه و كارتێن فشارێ ههنه دشێت ب دژى بهغدا بكاربینیت، گوت ژى : ئهگهر ئهو دهرفهتێ نهدهن، بهغدا نهشێت بریاران ب دژى ههرێما كوردستانێ بدهت.</span></h3>
