دانا عەبدولکەریم وهزیرێ ئاڤهدانكرن و ئاكنجیكرنێ یێ حكومهتا ههرێما كوردستانێ راگههاند، چێكرنا هێلا ئاسنى ل ههریما كوردستانێ چوویه د قووناغهكا گرنگ دا.
ئهڤرۆ دانا عەبدولکەریم پێشوازى ل بالیۆزێ ئیسپانیا ل ئیراقێ پیدرۆ مارتینیز و خولیان گارسیا ڤاڵڤێرد، خودانێ كۆمپانیا (کۆنسوڵ ترانس) یا ئسپانى كر و كۆمبوون، ههردو ئالیان بهحسێ پێشڤهبرنا پهیوهندیێن ههرێما كوردستانێ و ئسپانیا و پشكداریا ئسپانیا د سێكتهرێن جودایێن ئاڤاكرنێ ل ههرێمێ كر.
ههروهسا بهحسێ پرۆژهیێ هێلا ئاسنى یا ههرێما كوردستانێ كر كو چوویه د قوناغا مفایێ ئابوورى دا (feasibility study)و ژلایێ كۆمپانیا (کۆنسوڵ ترانس)یا ئسپانى ڤه دهێته بجهئینان،
خودانێ كۆمپانیێ وهزیرێ ئاڤهدانكرنێ پشتراستكر د پاشهرۆژهكا نێزیك دا قووناغا كارێن مفایێ ئابوورى دێ تمام بیت و پرۆژه دێ قوناغهكا گرنگ بڕیت.
