<h3></h3> <h3><span style="font-size: 18pt;">ئاژانسا خانی:</span></h3> <h3></h3> <h3><span style="font-size: 18pt;">شیره‌تكاره‌كێ قانوونییێ كورد" دیار كر: دادگه‌ها فیدرالییا عێراقی تانه‌یه‌كا وی" ژ قانوونا وێ دادگه‌هێ ب خۆ قه‌بوول كر، كو چ ده‌ستووریبوونه‌ك د قانوونا وێ دادگه‌هێ دا نینه و لدووڤ ده‌ستووری ئه‌و قانوونه یا كارپێكری نینه و نه یا ده‌ستوورییه، بۆ هه‌ر بڕیاره‌كێ ژی پێدڤییه هه‌ر 9 ئه‌ندامێن ئه‌وێ دادگه‌هێ ده‌نگی ل سه‌ر بده‌ن.</span></h3> <h3><span style="font-size: 18pt;">ئازاد دۆسكی" شیره‌تكارێ قانوونییێ كورد، شییا ل سه‌ر وی باره‌تی قه‌ناعه‌تێ بۆ دادگه‌ها فیدرالییا عیراقێ دروست بكه‌ت و بۆ ئاژانسا خانی گۆت: ئه‌ڤه ده‌لیڤه‌كه بۆ كوردان، بۆ هندێ ل ده‌می سه‌رراستكرنا قانوونا دادگه‌ها فیدرالی ل په‌رله‌مانێ عێراقێ، مه‌رجێن خۆ ب سه‌پینیت، د ده‌مه‌كی دا هه‌تا چه‌ندین بڕیار ل وێ دادگه‌هێ ل دژی كوردان ب نه قانوونی هاتینه ده‌ركرن.</span></h3> <h3><span style="font-size: 18pt;">ناڤهاتی گۆت ژی: ئه‌و داخوازییه ل دادگه‌ها عیراقی ب قانوونا 30 یا 2005 ێ بوویه" هه‌روه‌سا هاتییه سه‌رراستكرن ب قانوونا ژماره 25 یا 2021 ێ" كو نه یا ده‌ستورییه ژ به‌ر چه‌ند ئه‌گه‌ران.</span></h3> <h3><span style="font-size: 18pt;">. مادێ 143 یێ ده‌سستوورییێ عیراقێ كو 2003 ێ ده‌نگ ل سه‌ر دایه، دبێژیت: ده‌مێ ده‌نگ ل سه‌ر ده‌ستووری بهێته‌دان و حكومه‌ت بهێته پێكئینان كار ب قانوونا برێڤه‌برنا ده‌مكییا عیراقێ یا 2004 ێ ناهێته كرن" ژ بلی مادێ 53 و 56 و قانوونا برێڤه‌برنا ده‌مكی یا ده‌وله‌تێ" ژبه‌ركو دادگه‌ها فیدرالی لدووڤ مادێ 44 ێ یێ قانوونا ده‌مكییا عیراقی هاتییه دامه‌زراندن" كه‌واته لدووڤ مادا 143 یێ ده‌ستووری" دڤێت ئه‌و قانوونه بهێته ژێبرن.</span></h3>
