د. جیھاد بێسفکی: بەری میراتێ مری بھێتە بەلاڤکرن دڤێت دەینێن حوکمەتێ ژێراکەن

ئاژانسا خانی” تایبەت:

سەرۆکێ لقێ دھۆکێ یێ ئێکەتیا زانایێن ئاینی ئیسلامێ ئاشکرا کر: لدووڤ ئایەتا قورئانێ ھەر کەسەکێ بمریت بەری میراتێ وی لسەر وێرسێن وی بھێتە بەلاڤکرن” پێدڤییە دەینێن حوکمەتێ ل سەر بھێنە راکرن و دبێژیت، حەقێ ئاڤ و کارەبا دەینە ل سەر مری و یێ نەدەت یێ گونەھبارە.

مەلا جیھاد بێسفکی، زێده‌تر بۆ ئاژانسا خانی دیارکر” ئەو گۆتنێن لسەر ناڤێ من ھاتینە بەلاڤکرن لدۆر دانا قەرێن حوکمەتێ راستن و لدووڤ  سورەتا نیسا ئایەتا دازدێ بوومە دیاکرییە و دوجاران ژی تەکەز کرییە، ھەرکەسێ بمریت و بەری میراتێ وی لسەر وێرسێن وی بھێتە بەلاڤکرن، پێدڤییە دەینێن مری بھێنە دان و ژ مالێ مری راکەن بەرۆڤاژی مری گونەھبار دبیت، دەینێن حوکمەتێ ژی ڤەدگریت، ھەر کەسەکێ بمریت و دەینێن  کریا ئاڤ و کارەب و دانا باجێ ل سەر بیت و عەیالێ وی نەدەت یێ گونەھبارە، ئەڤە ئایەتا قورئانا پیرۆزە و نە ئاخفتنا منە.

لدۆر بەرسڤا خەلکی کو دبێژن دەینێن مە ژی لدەف حوکمەتێ ھەنە” د. جیھاد بێسفکی گۆت” ئەڤە دو بابەتێن جۆدانە و دەینێن حوکمەتێ مافێ گشتییە و گرێدایی میراتییە، ده‌مه‌كی حوکمەتا ھەرێما  نەچاربوویە مووچێ فەرمانبەران بکەتە پاشکەفت و ژبەر قەیرانێ نەشییایە مووچەیی وەکو خوە بدەت، بەلێ خەلکەک یێ ھەیی ھەر فەرمانبەر نینە خۆ ھەموو وەلاتی فەرمانبەر نینن.

جیھاد بێسفکی ئاماژەکر” خەلکەکێ زۆر سەرەدانا لیژنا فتوایێ دکەت و خەلکەک یێ مالی ژێکڤە دکەت و ئەو دەینە لسەر دمینیت، نابیت حوکمەتێ ئیسلامی بھێتە راگرتن ژبەر ھەر ئەگەرەکێ ھەبیت، چونکە ئەڤە حەقە و ھەر کەسەکێ دمریت پێدڤیە ئەو دەین لسەر بھێنە راکرتن و نابیت پێکڤە بھێنە گرێدان بێژن حوکمەتژی دەیندارێ مەیە ئەم قەرێ حوکمەتێ نادەین.