مه‌سرور بارزانى : كه‌رتێ بانكییێ مۆدێرن بنیاتێ تێروانینا مه‌یه‌ بۆ كوردستانه‌كا بهێزتر

سه‌رۆكێ حكومه‌تا هه‌رێما كوردستانێ راگه‌هاند، دماوێ دوو سالێن بهێن دا، هژمارا 1.2 ملیۆن فه‌رمانبه‌رێن كه‌رتى گشتى دێ بۆ بانكێن تایبه‌ت هێته‌ ڤه‌گۆهاستن.

مه‌سرور بارزانى سه‌رۆكێ حكومه‌تا هه‌رێما كوردستانێ ل سه‌ر ئه‌كاونتێ خوه‌ یێ تویته‌رى به‌لاڤكر، كه‌رتێ بانكییێ مۆدێرن بنیاتێ تێروانینا مه‌یه‌ بۆ كوردستانه‌كا بهێزتر، دماوێ دوو سالێن بهێن دا هژمارا 1.2 ملیۆن فه‌رمانبه‌رێن كه‌رتێ گشتى دێ بۆ بانكێن تایبه‌ت هێته‌ ڤه‌گۆهاستن و دێ خزمه‌تگوزارییێن پاره‌دانا دیجیتالى بۆ پێشڤه‌برنا گه‌شه‌یا ئابوورى بكارئینن.

مه‌سرور بارزانى سه‌رۆكێ حكومه‌تا هه‌رێما كوردستانێ ئه‌ڤرۆ ل هه‌ولێرێ ئاڤاهییێ بانكا جیهان ڤه‌كر و راگه‌هاند، بانك دشێن ئه‌گه‌ره‌كێ سه‌ره‌كى بن بۆ گه‌شه‌كرنا ئابوورێ هه‌ر وه‌لاته‌كى.