<h3 style="text-align: justify;"><span style="font-size: 18pt;">ده‌مژمێرێن كاره‌با نیشتیمانى دێ زێده‌بن</span></h3> <h3 style="text-align: justify;"><span style="font-size: 18pt;">په‌یڤدارێ وه‌زاره‌تا كاره‌بێ یا حكومه‌تا هه‌رێما كوردستانێ ئاشكراكر، كاره‌با نیشتیمانى دێ زێده‌بیت، ل رۆژا 17ى ڤێ هه‌یڤێ دێ 700مێگاواتێن كاره‌بێ زێده‌بن.</span></h3> <h3 style="text-align: justify;"><span style="font-size: 18pt;">ئومێد ئه‌حمه‌د په‌یڤدارێ وه‌زاره‌تا كاره‌با حكومه‌تا هه‌رێما كوردستانێ دیاركر، نوكه قووناغا دووێ یا پرۆسه‌یا چاكسازییا كۆمپانییا دانه‌گاز ل كێلگه‌ها كۆرمۆر به‌ره‌ڤ دووماهییێ دچیت و ره‌وشا كاره‌بێ دێ ئاسایی بیت.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، ل رۆژا 17ى ڤێ هه‌یڤێ پرۆسه دێ ب دووماهى هێت و ره‌وشا كاره‌بێ دێ ب تمامى ئاسایى بیت، 600 هه‌تا 700 مێگاواتێن كاره‌بێ زێده‌ن، ئه‌ڤه ژى دێ كارتێكرنێ ل سه‌ر زێده‌بوونا ده‌مژمێرێن كاره‌با نیشتیمانى كه‌ت، به‌رهه‌مئینانا كاره‌بێ پشتى وێ پرۆسه‌یێ دێ بیته چار هزار و 200 مێگاواتێن كاره‌بێ.</span></h3> <h3 style="text-align: justify;"><span style="font-size: 18pt;">كۆمپانییا دانه‌گاز ل رۆژا 22ى گۆلانا بوورى ده‌ست ب پرۆسه‌یا سالانه یا چاكسازییێ ل كێلگه‌ها كۆرمۆر كربوو و ژ ئه‌گه‌رێ وێ به‌رهه‌مئینانا كاره‌بێ گه‌له‌ك كێم ببوو.</span></h3> <h3 style="text-align: justify;"><span style="font-size: 18pt;">كۆمپانییێ دیاركر، رۆژانه 150 ملیۆن پێیێن سێجا یێن گازا سروشتى بۆ وێستگه‌هێن كاره‌بێ به‌رهه‌م دئینیت.</span></h3>
