مه‌سرور بارزانى پێشوازى ل شانده‌كێ سه‌ربازییێ بریتانیا كر

سه‌رۆكێ حكومه‌تا هه‌رێما كوردستانێ پێشوازى ل شانده‌كێ سه‌ربازییێ بریتانیا ب سه‌رۆكایه‌تییا شیره‌تكارێ مه‌زنێ به‌رگرییا بریتانیا كر.

مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل شانده‌كێ سه‌ربازییێ بریانیا ب سه‌رۆكایه‌تییا مارشال سامى سامپسن شیره‌تكارێ مه‌زنێ به‌رگرییا بریتانیا كر.

د دیداره‌كێدا كو رۆزى كه‌یڤ كونسۆلێ گشتییێ بریتانیا ل هه‌رێما كوردستانێ تێدا یێ پشكداربوو، دانوستاندن ل دۆر ره‌وشا گشتییا عیراقێ و په‌یوه‌ندییێن هه‌رێما كوردستانێ و حكومه‌تا فیدرالى هاتنه‌كرن، دووپاتى ل گرنگییا پاراستنا مافێن ده‌ستوورییێن هه‌رێمێ و رێزگرتن ل رێككه‌ڤتنا دناڤبه‌را هه‌ردوو لایه‌ناندا هاته‌كرن.

ته‌وه‌ره‌كێ دییێ دانوستانان یێ تایبه‌ت بوو ب پێدڤییا كرنا هه‌لبژارتنێن په‌رله‌مانێ كوردستانێ، دڤى بیاڤىدا هه‌ردوو لایه‌ن د هه‌ڤرابوون كو ئێدى نابیت پرۆسه‌یا هه‌لبژارتنان بهێته‌ پاشخستن و دڤێت د ئه‌ڤ ساله‌دا بهێنه‌كرن.

هه‌روه‌سا مه‌سرور بارزانى دكۆمبوونێدا دووپاتكر، هه‌رێما كوردستانێ یا ئاماده‌یه‌ هه‌موو هاریكارى و هه‌ماهه‌نگییه‌كێ بۆ سه‌رخستنا پرۆسه‌یا هه‌لبژارتنان بكه‌ت.

ره‌وشا ده‌ڤه‌رێن كوردستانى یێن ژ ده‌رڤه‌ى ئیداره‌یا هه‌رێمێ و ب دووماهى ئینان ب ب داگیركرنا زه‌ڤییێن جۆتیارێن كورد ل ده‌ڤه‌رێ، پشته‌ڤانیكرنا داموده‌زگه‌هێن ئێمناهییێ یێن هه‌رێما كوردستانێ، چاكسازییێن وه‌زاره‌تا پێشمه‌رگه‌ى و چه‌ند بابه‌تێن دى د كۆمبوونێدا هاتنه‌ به‌حسكرن.