بەرهەمێ ماسییێن کوردستانێ دێ بۆ وه‌لاتێن كه‌نداڤی هێنه‌ هنارتن

شوکری عومەر، رێڤەبەرێ پڕۆژێ بەرهەمێ ماسییان ل پارێزگه‌ها دهۆكێ، دیار كر: “ئەڤ پڕۆژە، ئێکە ژ پڕۆژێن ستراتیژی و تەمامکەرێ بەرهەمێ چاندنێیه ل هەرێما کوردستانێ، د داهاتی دا بەرهەمێ ڤی پرۆژەیی دێ بۆ بازارێن عێراقی و وه‌لاتێن کەنداڤی هێنه‌ هنارتن.

حكومه‌تا هه‌رێما کوردستانێ دیار كر: مه‌زنترین پرۆژێ به‌رهه‌مێ ماسییان ل هه‌رێما كوردستانێ و عیراقێ دێ ل پارێزگه‌ها دهۆكێ هێته‌ دروستكرن و د قووناغا ئێكێ دا، وی پرۆژێ ماسییان شیانێن به‌رهه‌مئینانا 200 ته‌نێن گوشتێ ماسییان هه‌یه‌ و نوكه‌ 500 دەلیڤێن کاری ب شێوێ راستەوخۆ و ناراستەوخۆ بۆ وه‌لاتییان په‌یدا كرینه‌.

ئه‌و ژی دیار كرییه‌: ئارمانجا ڤی پرۆژه‌یی ئه‌وه‌” پێدڤییاتی یێن ناڤخۆیی ژ گۆشتێ ماسییان پر بكه‌ت و ل گه‌ل هندێ ژی ره‌وانه‌یی ده‌رڤه‌ بكه‌ت، د قووناغا ئێكێ دا د ساله‌كێ دشێت 1200 ته‌نێن گوشتێ ماسیان به‌رهه‌م بینیت.