عیراقێ بریارەک دەربارەیی سالا خواندنێ (2022 – 2023 ) ێ دا

وەزارەتا خواندنا بلند و ڤەکۆلینێن زانستی ل عیراقێ بریارەک دەربارەیی سالا خواندنێ یا 2022 – 2023 ێ دا و ژڤانێ ڤەگەریانا قوتابی یێن دوورخستی دیار کر.

لدووڤ نڤیسارەکا وەزارەتا خواندنا بلند و ڤەکۆلینێن زانستییا عیراقێ” كو ئەڤرۆ ئیكشه‌مبی 18 ی خزیرانا 2023 ێ پەسەند بوویە، سالا خواندنێ یا 2022 – 2023 ێ” بۆ هەموو قوتابی یێن زانکۆیێن حکومی ل سپێدەهی و ئێڤارییان و هەروەسا زانکۆیێن تایبەت ب سالا نەکەفتنێ دهێتە هژمارتن.

د وێ نڤیسارێ دا هاتییە ژی: بریار ژ وان قوتابییان ناگریت یێن ب ئەگەرێ قوپیایێ یان سەختەکارییێ ژ زانکۆیان هاتینە دوورخستن (ترقين قيد)، بریار ب تنێ ژ وان قوتابییان دگریت یێن ژ ئەگەرێ دەربازنەبوونێ هاتینە دوورخستن (ترقين قيد) و هەر قوتابییەکێ ژ ئەگەرێ ڤێ خالێ هاتبیتە دوورخستن، هەر ژ سوبەهی دشێت سەرەدانا زانکۆیا خۆ بکەت.