<h3 style="text-align: justify;"><span style="font-size: 18pt;">نوونهرێن كۆمهلهیا پهنابهرێن گهرۆك ل ئورۆپا دبێژیت: ل سپێدههییا ئهڤرۆ زێدهتر ژ 80 كۆچبهران كو ههموو كوردبوون د دهریا یا ئیجهدا بهلهما وان ژ كاركهڤت دووڤدا هاتنه قورتالكرن.</span></h3> <h3 style="text-align: justify;"><span style="font-size: 18pt;">پێشرهو عهبدولا نوونهرێ كۆمهلا پهنابهرێن گهرۆك دیاركر، شڤێدى ل دهمژمێر 12 ئهو هاتنه ئاگههداركرن، زێدهتر ژ 80 كۆچبهران د دهریایا ئیجهدا بهلهمان وان ژ كاركهڤت و پێدڤى ب هاریكارییێ نه، وى پهیوهندى ب هێزێن دهریاڤانێن یونانێ كر داكو هاریكارییا وان بكهن.</span></h3> <h3 style="text-align: justify;"><span style="font-size: 18pt;">ل دووڤ ئاخڤتنێن پێشرهو عهبدولاى، ئهو كۆچبهره ههموو كوردبوون، نێزیكى 10 زارۆكان و ژنهكا ب دوو گیان ژى دبهلهمێدا بوون، ئهڤرۆ سپێدێ ههموو هاتنه قورتالكرن و بۆ كهمپێن داخستى یێن كۆس ل باكوورێ دهریایا ئیجه هاتنه ڤهگۆهاستن.</span></h3> <h3 style="text-align: justify;"><span style="font-size: 18pt;">ئهو بهلهمه ژ توركیا بهرهڤ ئیتالیا دچوو، نوونهرێ كۆمهلا پهنابهرێن گهرۆك ل ئورۆپا دبێژیت : ل دووڤ قانوونێ، ئهو كهسێن ژ ئاڤێ دهێنه قورتالكرن مافێ هندێ ههیه داخوازا مافێ پهنابهرییێ بكهن، لێ دهمهكه یونان پابهندى وێ قانوونێ نابیت و بههرا پتر یا وان كۆچبهرێن دهێنه قورتالكرن، دیپۆرت دكهت.</span></h3>
