سه‌رۆكێ حكومه‌تێ زێده‌تر ژ حه‌فت ملیار دیناران بۆ پشته‌ڤانیكرنا قوتابییێن زانكۆ و په‌یمانگه‌هان ته‌رخانكرن

فه‌رمانگه‌ها میدیا و زانیارییان یا حكومه‌تا هه‌رێما كوردستانێ راگه‌هاند، مه‌سرور بارزانى سه‌رۆكێ حكومه‌تا هه‌رێما كوردستانێ ره‌زامه‌ندى ل سه‌ر خه‌رجكرنا زێده‌تر ژ حه‌فت ملیار دیناران بۆ پشته‌ڤانیكرنا قوتابی و خوێندكارێن زانكۆ و په‌یمانگه‌هان دا.

ئاماژه‌ ب هندێ ژى دا، ژ چارچووڤێ گرنگیدانا كابینه‌یا نه‌هێ یا حكومه‌تا هه‌رێما كوردستانێ ب كه‌رتێ خواندنێ و پشته‌ڤانیكرنا قوتابی و خوێندكارێن زانكۆ و په‌یمانگه‌هێن هه‌رێما كوردستانێ، مه‌سرور بارزانى سه‌رۆكێ حكومه‌تا هه‌رێما كوردستانێ ره‌زامه‌ندى ل سه‌ر به‌رده‌وامبوونا خه‌رجكرنا كوژمێ حه‌فت ملیار و 250 ملیۆن دینارێن هه‌یڤانه‌ بۆ قوتابى و خوێندكاران دا.

دیار ژى كر، پشكه‌كا وى پاره‌ى بۆ دابینكرنا خزمه‌تگوزارییان ل پشكێن ناڤخۆ بۆ سالا خواندنێ ( 2023 – 2024 )ێ یه‌ و دێ ل سه‌ر بودجه‌یا زانكۆ و په‌یمانگه‌هان هێته‌ خه‌رجكرن.