ده‌سته‌یا گه‌شت و گۆزارێ: وەبەرھێنەرێن بریتانی دێ ھێنە ھەرێما کوردستانێ

ئاژانسا خانی” تایبەت:

پەیڤدارێ دەستەیا گەشت و گوزارێ دیار کر، شاندەکێ ھەرێما کوردستانێ سەرەدانا وەلاتێ بریتانیا کرییە و بڕیارە وەبەرھێنەرێن بریتانی بھێنە ھەرێما کوردستانێ بۆ پشکدارییێ د کەرتێ گەشت و گوزارا ھەرێما کوردستانێ دا.

ئیبراھیم عەبدولحەمید، پەیڤدارێ دەستەیا گەشت و گوزارێ بۆ ئاژانسا خانی دیار کر” شاندەکێ ھەرێما کوردستانێ سەرەدانا وەلاتێ بریتانیا کرییە و تێدا داخوازکرییە وەبەرھێنەرێن وی وەلاتی بھێنە ھەرێما کوردستانێ ب مەرەما پشکدارییێ د کەرتێ گەشت و گوزارێ و کارکرن د  پڕۆژێن گەشتیاری یێن دھێنە ئەنجامدان.

ناڤهاتی گۆت ژی” سەرۆکا دەستەیا گه‌شت و گوزارێ داخوازکرییە وەبەرھێنەرێن بریتانی بھێنە ھەرێمێ و ھەموو ئاسانکاری دێ بۆ ھێنەکرن ھەتا بشێن کار بکەن، بەردەوام ژی دەستەیا گەشت و گوزارێ کارکرییە بۆوێ چەندێ وەبەرھێنەرێن بیانی بھێنە ھەرێما کوردستانێ داكو پشکدارییێ د کەرتێ گەشت و گوزارێ دا بكه‌ن.