مەسرور بارزانی و جینین پلاسخارتێ ره‌وشا هەرێما کوردستانیانێ گوتۆبێژ كر

ئەڤرۆ چارشەمبی 21 ی خزیرانا 2023 ێ، مەسرور بارزانی، سەرۆکێ حکومەتا هەرێما کوردستانێ پێشوازی ل جینین هێنیس – پلاسخارت، نوونەرا تایبەتا سکرتێرێ گشتییێ نەتەوێن ئێکگرتی ل عێراقێ کر و د دیدارەکێدا ره‌وشا هەرێما کوردستانێ به‌حس كر و هەردو ئالی د هه‌ڤرابوون ل سەر ئەنجامدانا هەلبژارتنێن پەرلەمانێ کوردستانێ د زووترین ده‌مدا.

سەرۆکێ حکومەتێ گۆت ژی: “نابیت ئێدی ئەنجامدانا هەلبژارتنان بهێته‌ پاشخستن و ببیته‌ قوربانا خواست و حه‌زێن چ هێز و لایەنه‌كێ بۆ پاشخستنا وێ پرۆسا دیموکراتی”.

هەروەسا دانوستاندن ده‌ربارەیی گوهۆرین و پێشهاتێن ره‌وشا عێراقێ و دەستەبەرکرنا مافێن دەستووری و شایستێن دارایی یێن هەرێما کوردستانێ هاتنه‌ کرن.