<h3 style="text-align: justify;"><span style="font-size: 18pt;">سه‌رۆكێ هه‌رێما كوردستانێ و شانده‌كێ بلندێ نه‌ته‌وه‌یێن ئێكگرتى كۆمبوون و ل دۆر گوهۆرینا سه‌قایى د هه‌ڤرابوون كو قه‌یرانه‌كا جددییه و كارتێكرنه‌كا مه‌زن ل سه‌ر عیراقێ هه‌یه.</span></h3> <h3 style="text-align: justify;"><span style="font-size: 18pt;">نیچیرڤان بارزانى سه‌رۆكێ هه‌رێما كوردستانێ پێشوازى ل شانده‌كێ بلندێ نه‌ته‌وه‌یێن ئێكگرتى ب سه‌رۆكایه‌تییا عه‌بدولا ئه‌لده‌رده‌رى هاریكارێ سكرتێرێ گشتییێ نه‌ته‌وه‌یێن ئێكگرتى و رێڤه‌به‌رێ هه‌رێمییێ UNDP بۆ وه‌لاتێن عه‌ره‌بى كر.</span></h3> <h3 style="text-align: justify;"><span style="font-size: 18pt;">دكۆمبوونێدا شاندێ نه‌ته‌وه‌یێن ئێكگرتى كورتییه‌ك ل دۆر ئارمانجا سه‌ره‌دانا خوه بۆ عیراق و هه‌رێما كوردستانێ خواند، كو بۆ هاریكارییا عیراق و هه‌رێما كوردستانێ د هه‌مه‌جۆركرنا ژێده‌رێن داهاتیدا بكه‌ن، ل دۆر ڤێ چه‌ندێ نێچیرڤان بارزانى دووپاتكر، پاشه‌رۆژا عیراق و هه‌رێما كوردستانێ گرێداى هه‌مه‌جۆركرنا ئابوورى و ژێده‌رێن داهاتییه.</span></h3> <h3 style="text-align: justify;"><span style="font-size: 18pt;">ل دووڤ سه‌رۆكایه‌تییا هه‌رێما كوردستانێ، د كۆمبوونێدا هه‌ردوو لایان هزر و بیر ل دۆر گوهۆرینا سه‌قایى هه‌بوون و دهه‌ڤرابوون كو قه‌یرانه‌كا جددییه و كارتێكرنه‌كا مه‌زن ل سه‌ر عیراقێ هه‌یه، له‌وما دڤێت عیراق ب پشته‌ڤانییا نێڤده‌وله‌تى ب جددى رووبروو ئه‌ڤێ قه‌یرانێ ببیت، شاندێ ناڤبرى دووپاتكر، بۆ به‌رهنگاربوونا كارتێكرنێن گوهۆرینا سه‌قاى و هه‌مه‌جۆركرنا ژێده‌رێن داهاتى ژى، دێ هاریكارییا عیراق و هه‌رێما كوردستانێ كه‌ن.</span></h3>
