ئەندامەکا پەرلەمانێ عێراقێ ئاشکرا کر، پارتی پێداگیری لسەر ھەلبژارتنان ل کەرکووکێ کرییە و کوردان ب گشتی دێ رۆلەکێ زۆر ھەبیت ل ھەلبژارتنێن جڤاتێن پارێزگەھێن عێراقێ ل کەرکووکێ و نەینەوا.
نەجوا کاکەیی، پەرلەمانتارا پارتی ل پەرلەمانێ عێراقێ بۆ ئاژانسا خانی دیار کر” بەرھەڤی بۆ ئهنجامدانا پرۆسا ھەلبژارتنێن عێراقێ ھاتینە دەستپێکرن و بڕیارە ل دووماھییا ئەڤ سالە ھەلبژارتن بۆ جڤاتێن پارێزگەھێن عێراقێ بھێنە ئینجامدان، کورد ژی دێ پشکدارییێ د ھەلبژارتنان دا کەن، ب تایبەتی ل کەرکووکێ و نەینەوا دێ کوردان پشکدارییەکا کاریگەر ھەبیت، ئەم وەکو پارتی ژی بەردەوام دگەل ئهنجامدانا ھەلبژارتنان بووینە.
ناڤهاتییێ گۆت ژی” ھەلبژارتنێن ڤێ جارێ دێ گرنگییا خوە ھەبیت بۆ کوردان، چونکی ل پارێزگەھا کەرکووکێ ژی دێ ھەلبژارتن بۆ جڤاتا پارێزگەھێ ھێنە کرن، د دەمێ راستڤەکرنا قانوونا ھەلبژارتنێن جڤاتا پارێزگەھێن عێراقێ دا پارتی پێداگیری کرییە دڤێت ھەلبژارتن ل کەرکووکێ بھێنە کرن و نابیت کەرکووک ژ پارێزگەھێن دی یێن عێراقێ بھێتە جۆدا کرن.
