كۆنگرێسێ ئه‌مریكا كار بۆ پێدانا سیسته‌مێ به‌رگرییا ئاسمانى ب پێشمه‌رگه‌ى دكه‌ت

كۆنگرێسێ ئه‌مریكا كار ل سه‌ر پێدانا سیسته‌مێ به‌رگرییا ئاسمانى ب هێزێن پێشمه‌رگه‌ى دكه‌ت و ل جڤاتا نوونه‌رێن ئه‌مریكا ماده‌ك ژ چارچووڤێ گوتوبێژكرنا بودجه‌یا به‌رگرییێ بۆ سالا 2024ێ ده‌ربازبوویه‌.

ئه‌و ماده‌یه‌ ژلایێ دۆن به‌یكن كۆنگرێسمانێ كۆمارییانڤه‌ كه‌ڤتییه‌ به‌ر ده‌نگدانێ و ل جڤاتا نوونه‌ران ب به‌هرا پترا ده‌نگان هاتییه‌ په‌سه‌ندكرن.

به‌یكنى بۆ میدیایا بریتانیا دیاركر، پێدانا سیسته‌مێ به‌رگرییا ئاسمانى ب پێشمه‌رگه‌ى پشته‌ڤانییا بهێزا دوو پارتێن ده‌ستهه‌لاتدارێن ئه‌مریكایه‌، لێ پێدڤییه‌ كۆنگرێسێ ئه‌مریكا دگه‌ل هه‌ردوو جڤاتێن نوونه‌ران و پیران ڤێ پێنگاڤێ په‌سه‌ند بكه‌ن.

ئه‌وى كۆنگرێسمانى گوت ژى : داخوازێ ژ ئیداره‌یا ئه‌مریكا دكه‌ن پلانه‌كا كارى ئاماده‌ بكه‌ن و بجهبینن، داكو راهێنانان ب هێزێن پێشمه‌رگه‌ى و هێزێن ئێمناهییا عیراقێ بكه‌ن و بشێن ب دژى مووشه‌ك و فرۆكه‌یێن بێ فرۆكه‌ڤانێن ئیرانێ به‌ره‌ڤانییێ ژ خوه‌ بكه‌ن.