ساخله‌مییا عێراقێ: 11 تووشبوویێن تایا خوینبەربوونێ ل کوردستانێ هاتینه‌ تۆمارکرن و چار ژ وان گیانێ خۆ ژ دەستدایە

د. سەیف بەدر، په‌یڤدارێ وەزارەتا ساخله‌مییا عێراقێ گۆت، “ئەڤ ساله‌ هه‌ر ژ 01-01-2023 ێ” هه‌تا نوكه‌ ل پارێزگه‌هێن عێراقێ دا، پتر ژ 250 تووشبوویێن تایا خوینبەربوونێ هاتینه‌ تۆمارکرن كو پتری 35 کەسان ژ وان گیانێ خۆ ژ دەستدایە”.

ناڤهاتی گۆت ژی، ل هه‌رێما كوردستانێ 11 كه‌س تووشی تایا خوینبه‌ربوونێ بووینه‌ و ژ وان ژی هه‌شت كه‌س ل هەولێرێ بووینه‌ و چاران گیانێ خۆ ژ دەستدایە، ل سلێمانی چ کەس تووشی وێ نەخۆشییێ نەبووینە، ل دهۆکێ ژی سێ تووشبوویی هاتینه‌ تۆمارکرن”.

د. سەیف بەدر دبێژیت ژی، زۆرترین تووشبوویی ل پارێزگه‌ها زیقار هاتینه‌ تۆمارکرن کو 67 كه‌س تووشبووینه‌ و 10 ژ وان گیانێ خۆ ژ دەستدایە، لدووڤ پارێزگه‌هێن بەسرە، میسان، رەسافە (بەغدا)، موسەننا، واست و کەرخ ( بەغدا) دهێن.”