چیایی تەیمۆر: چ به‌هانه‌ نه‌ماینه‌ كو كار ل سه‌ر قانوونا نه‌فت و گازێ نه‌هێته‌ كرن

ئاژانسا خانی” زنار تۆڤی:

پەرلەمانتاره‌كێ كورد ل په‌رله‌مانێ عێراقوێ گۆت: رێككه‌فتنا سیاسی بۆ بۆ ده‌ربازكرنا قانوونا نه‌فت و گازێ ل ڤێ خولا په‌رله‌مانی هه‌یه‌.  

چیایی ته‌یمۆر، ئه‌ندامێ په‌رله‌مانێ عێراقێ ژ فراکسیۆنا پارتی دیموکراتی کوردستان، بۆ ئاژانسا خانی دیار كر‌، په‌رله‌مان یێ ئاماده‌یه‌ د خولا قانووندانانێ دا دانوستاندنان ده‌رباره‌یی چه‌ندین قانوونان بكه‌ت” كو د‌ هه‌ڤپه‌یمانییا برێڤه‌برنا ده‌وله‌تێ دا رێككه‌فتن ل سه‌ر هاتییه‌ كرن، دناڤا وان دا قانوونا نه‌فت و گازێ هه‌یه‌” هه‌روه‌سا په‌سه‌ند كرنا قانوونا نه‌فت و گازێ” ئێك ژ مه‌جێن مه‌بوو” كو ئه‌م چووینه‌ دناڤا هه‌ڤپه‌یمانیا برێڤه‌برنا ده‌وله‌تێ دا” لدووڤ وێ رێككه‌فتنێ پشتی ده‌ست بكاربوونا حوكمه‌تێ شه‌ش هه‌یڤان دڤێت قانوونا نه‌فت و گازێ هاتبا په‌سه‌ند كرن” به‌لێ ژبه‌ر وان كاودانێن ناڤخۆ یێن عیراقێ و گیروبوونا په‌سندكرنا بودجه‌یی” وه‌كو پێدڤی كار ل سه‌ر وێ قانوونێ نه‌هاتییه‌ كرن” هه‌ر چه‌نده‌ چه‌ندین جاران شاندێ هه‌رێما كوردستانی ل گه‌ل حكومه‌تا عیراقێ ل سه‌ر ڤی بابه‌تی روونشتینه‌” دیسان به‌ری نوكه‌ چه‌ند ره‌شنڤیس هه‌بوون” ئێك ژ وان ل سالا 2007 ێ بوویه‌ و ئێك ژی ل سالا 2009 ێ بوویه‌ و ل سالا 2011 ێ ژی هه‌بوو” دێ مفا ژ وان ره‌شنڤیسان هێته‌ دیتن.

ناڤهاتی گۆت ژی: چ به‌هانه‌ نه‌ماینه‌ كو كار ل سه‌ر قانوونا نه‌فت و گازێ نه‌هێته‌ كرن” هه‌روه‌سا دو خال گه‌له‌ك د گرنگن بهێنه‌ بجهئینان و ئه‌و خال بووینه‌ ئاریشه‌ دناڤبه‌را هه‌رێما كوردستانی عیراقێ دا” ئه‌و ژی نه‌بوونا قانوونا نه‌فت و گازێ و نه‌بوونا سه‌رژمێرییێ بۆ ئاكنجی یێن عیراقێ” هه‌روه‌سا هه‌كه‌ مه‌ قانوونا نه‌فت و گازێ هه‌بیت” دێ ئاریشێن نه‌فتێ چاره‌سه‌ر بن” دیسان هه‌كه‌ سه‌رژمیری بهێته‌ كرن” ئێدی ئه‌و ئاریشه‌ ژی دێ دناڤبه‌را حكومه‌تا هه‌رێمێ و عیراقێ دا هێته‌ چاره‌سه‌ر كرن” دێ رێژا كوردان ل عیراقێ هێته‌ دیار كرن و دیسان ل 15 ته‌مۆزێ وه‌رزێ نوویێ ته‌شریعێ ل په‌رله‌مانێ عیراقێ ده‌ستپێكه‌ت.

وی ئه‌ندامێ په‌رله‌مانێ عیراقێ گۆت ژی: سه‌رۆك وه‌زیرێن عیراقێ ژی بخۆ نینه‌” هه‌ڤالبه‌ندێن وی یێن شیعه‌ دناڤا چارچۆڤی هه‌ماهه‌نگییێ دا” ئاریشان بۆ وی دروست دكه‌ن و نه‌ڤێت سه‌ركه‌فتنێ د كارێ خۆدا بینیت و كارێن باش ئه‌نجام بده‌ت” دیسان په‌رله‌مانتارێن شیعی و سوننی ژی ل دژی كوردان هه‌لویستێن خۆ دیار كرن” ب تایبه‌تی ژی ئه‌ڤ چه‌نده‌ ل ده‌مێ په‌سه‌ندكرنا پرۆژه‌ قانونا بودجه‌یێ گشتی یێ عیراقێ دا دیاربوو” دیسان په‌رله‌مانارێن عه‌ره‌ب نه‌ڤێن چ بریار و رێككه‌فتنێن د خێرا هه‌رێما كوردستانێ دا بهێنه‌ په‌سه‌ند كرن” دیسان ب تنێ ب رێیا رێككه‌فتنێن سیاسی ئه‌م دشێین مافێن خۆ بپارێزین و ب ده‌ستڤه‌ بینین” دیسان هه‌ڤكێشه‌ك ل عیراقێ هه‌یه‌ و ئه‌و په‌رله‌مانتارێن ل دژی مافێن هه‌رێمێ رادوه‌ستن دناڤا جادا عیراقی دا ده‌نگێن خه‌لكێ ب ده‌ستڤه‌ دئینن” له‌وما ئه‌و وه‌سا هزر دكه‌ن كو هه‌رێما كوردستانێ مافێ خه‌لكێ عیراقێ دخون” له‌وما ئه‌و دژایه‌تییا مه‌ دكه‌ن”