دامەزراندنا دوو زانکۆیێن ئاکرێ و گەرمیان چوو د بوارێ بجهئینانێدا

پشتی ئیمزاکرنا فەرمانا دامەزراندنا دوو زانکۆیێن نوو ل ئاکرێ و گەرمیان ژ لایێ سەرۆکێ حکومەتا هەرێما کوردستانێ ڤە، وەزارەتا خواندنا بلند و ڤەکۆلینێن زانستی یا حکومەتا هەرێما کوردستانێ، فەرمانا وەزاری بۆ دامەزراندنا هەردوو زانکۆیێن ئاکرێ بۆ زانستێن مرۆڤی و پۆلیتەکنیک یا گەرمیان دەرخستن.

رؤژا 26 خزیرانا 2023، وەزارەتا خواندنا بلند و ڤەکۆلینێن زانستی یا حکومەتا هەرێما کوردستانێ ڕاگەهاند، پشتگرێدان ب فەرمانا سەرۆکایەتیا جڤاتا وەزیران و ل بەر رۆناهییا بڕگەیا پێنجێ ژ ماددێ شێیێ و بڕگەیا ئێکێ ژ ماددێ چارێ، ژ یاسایا وەزارەتا خواندنا بلند و ڤەکۆلینێن زانستی یا ژمارە 10 یا ڕاستڤەکری، ب هەردوو فەرمانێن وەزاری یێن ژمارە (744 و 745)، فەرمانا دامەزراندنێ بۆ هەردوو زانکۆیان دەرخست.