شیرەتکارێ ئەڵمانیا: نابیت ڕێک ب دژایەتیکرنا موسلمانان بهێتە دان

ئۆلاف شۆڵز شیرەتکارێ ئەڵمانیا ڕاگەهاند، نابیت ڕێک ب ڕەگەز پەرستییێ ل دژی جوهییان و دژایەتیکرنێ ل دژی موسلمانان بهێتە دان.

شۆڵز ب هەلکەڤتا 1ی تەمموزێ، ڕۆژا بەرهەنگاربوونا ڕەگەزپەرستییێ ل دژی موسلمانان پەیامەک ل تویتەری بەلاڤکر.

ئۆلاف شۆڵزی ئاماژەکر کو رەگەزپەرستی ل ئەڵمانیا راستییەکە و دوپاتژی ل وێ چەندێ کر، کو پێدڤییە پێکڤە کونترۆلا ڤێ ڕەوشێ بهێتە کرن.

شۆڵزی دیارکر، ئەو بزاڤان دکەت بۆ بەرهەنگاربوونا رەگەزپەرستییێ و گۆت: ” نابیت ڕێک ب ڕەگەز پەرستییێ ل دژی جوهییان و دژایەتیکرنێ ل دژی موسلمانان بهێتە دان “.