ئەڤرۆ سەرۆكێ هەرێما كوردستانێ پێشوازی ل ئۆلیڤی دیكۆتینێ، كۆنسۆلێ گشتی یێ فڕەنسا ل هەرێما كوردستانێ كر ب هەلكەفتا ب دوماهی هاتنا ئەركێ وی.
ل دویڤ ڕاگەهاندنا سەرۆكاتییا هەرێما كوردستانێ، د دیدارێ دا نێچیرڤان بارزانی سۆپاس و پێزانینێن خۆ بۆ ئەرك و بزاڤێن دیكۆتینێ ژبۆ پێشڤەبرنا پەیوەندییێن هەرێما كوردستانێ و فڕەنسا دیاركرن و هیڤییا سەركەفتنێ بۆ وی د پۆست و ئەركێ وی یێ نوی دا خواست.
ژلایێ خۆ ژی ڤە كۆنسۆلێ فڕەنسا سۆپاس و پێزانینێن خۆ پێشكێشی نێچیرڤان بارزانی و لایەنێن پەیوەندیدار یێن هەرێما كوردستانێ كرن بۆ هاریكاری و پشتەڤانییا وان یا بەردەوام و هیڤی خواست ب هەمان شێوە لگەل جێگرێ وی د بەردەوام بن. هەروەسا ب ڕێزڤە بەحس ل ڕۆلێ سەرۆكێ هەرێمێ كر د پێشڤەبرنا پەیوەندییێن هەرێما كوردستانێ و فڕەنسا دا.
