پلانا وان بۆ پێشوازیكرنا گه‌شتییاران یا سه‌ركه‌فتی بوو

ئاژانسا خانی:

په‌یڤدارێ رێڤه‌به‌رییا گشتییا گه‌شت و گۆزاری ل پارێزگه‌ها دهۆكێ دیار كر: هه‌ر ژ رۆژا 25 خزیرانێ هه‌تا رۆژا 1 ته‌مۆزا 2023 ێ”  96 هزار گەشتییار ژ ده‌ڤه‌رێن باشوور و ناڤه‌راستنێن عێراقێ و ل ناڤخۆیا هه‌رێمێ و ژ ده‌رڤه‌یی هەرێما کوردستانێ ژی بۆ جەژنا قوربانێ سەره‌دانا جهێن گەشتیاری یێن پارێزگه‌ها دهۆکێ کرییه‌ و ئه‌و پێشبینی دكه‌ت ژی” ل رۆژێن بهێت ئه‌و رێژه‌ زێده‌تر لێ بهێت.

رێوار محەمەد ره‌شید، زێده‌تر بۆ ئاژانسا خانی دیار كر” ل ده‌ستپێكا جەژنا قوربانێ هه‌تا دوهی شه‌مبییێ، نێزیکی 96 هزار گەشتییاران سەره‌دانا جهێن گەشتیاری یێن پارێزگه‌ها دهۆكێ كرییه‌ و د هه‌یاما چار رۆژێن دیتر دا دێ ئامارێن نووتر هێنه‌ وه‌رگرتن” هه‌روه‌سا پلانا وان د ئه‌ڤ ساله‌ دا بۆ پێشوازیكرنا گه‌شتییاران گه‌له‌ك یا سه‌ركه‌فتی بوو.