<h3 style="text-align: justify;"><span style="font-size: 18pt;">كۆمیسیۆنا بلندا سهربهخۆ یا ههلبژارتنێن عیراقێ راگههاند، ل ڤان نێزیكان پرۆسهیا نووكرنا تۆمارا دهنگدهران بۆ ههلبژارتنێن جڤاتا نوونهرێن پارێزگههان دێ دهستپێكهت و ئاماژه ب هندێ دا، بریار هاتییه دان، ناڤهندێن تۆمارا دهنگدهران ل سهرانسهرى عیراقێ بهێنه ڤهكرن.</span></h3> <h3 style="text-align: justify;"><span style="font-size: 18pt;">ل دۆر ڤێ چهندێ جۆمانه غهلاى پهیڤدارا كۆمیسیۆنا بلندا سهربهخۆ یا ههلبژارتنێن عیراقێ دیاركر، ل ڤان نێزیكان نووكرنا تۆمارا دهنگدهران بۆ ههلبژارتنێن جڤاتا نوونهرێن پارێزگههان ل 15 پارێزگههێن عیراقێ دێ دهستپێكهت، لێ پارێزگههێن ههرێما كوردستانێ ناگریت، ژبهركو ههلبژارتنێن پارێزگههان ههرێما كوردستانێ بخۆڤه ناگریت.</span></h3> <h3 style="text-align: justify;"><span style="font-size: 18pt;">راگههاند ژى، جڤاتا كۆمیسیارێن سهربهخۆ یا كۆمیسیۆنا بلندا سهربهخۆ یا ههلبژارتنان بریاردایه، ناڤهندێن تۆماركرنا دهنگدهران بۆ ههلبژارتنێن جڤاتا پارێزگههان ل سهرانسهر عیراقێ ب ههرێما كوردستانێڤه بهێنهڤهكرن، لێ ب مهرجهكى ڤهگۆهاستن و گوهۆرین ل پارێزگههێن ههرێما كوردستانێ نهبیت، ب ئارمانجا هندێ ڤهگۆهاستن ل ناڤ ئێك پارێزگههـ دناڤ سێ پارێزگههێن ههرێمێدا بهێته سنۆرداركرن.</span></h3> <h3 style="text-align: justify;"><span style="font-size: 18pt;">بهحس ل هندێ ژى كر، پرۆسهیا نووكرنا تۆمارا دهنگدهران ئهوان دهنگدهران ب خۆڤهدگریت یێن ل ههلبژارتنێن داهاتى مافێ دهنگدانێ ههی و ههتا نوكه نههاتینه تۆماركرن و گوت : ئهو دهنگدهرێن كارتا دهنگدانێ ههى و وێنهیێن وان ل سهر، پێدڤى ب هندێ ناكهن سهرهدانا ناڤهندێن تۆماركرنێ بكهن، بهلكو ب تنێ ئهو دهنگدهره دشێن سهرهدانا ناڤهندێن تۆماركرنێ بكهن یێن كارتا دهنگدانێ نهبیت.</span></h3>
