ڤەگەریانا حەجییان دەستپێکر

ئاژانسا خانی” تایبەت:

کاروانێ ئێكێ یێ حەجییێن ھەرێما کوردستانێ ل وەلاتێ سعوودییه‌ دەستپێکر و پەیڤدارێ حەج و عومرێ ژی دبێژیت، ل رۆژێن بهێن دێ ڤەگەریانا حەجییان یا بەردەوام بیت و ھەتا ھەموو حەجی ڤەگەرنه‌ڤه‌ ھەرێما کوردستانێ.

کاروان ستوونی، پەیڤدارێ حەج و عومرا ھەرێما کوردستانێ بۆ ئاژانسا خانی دیار کر” پشتی بجهئینانا فەریزا حەجا ئەڤ سالە ڤەگەرییانا حەجییێن ھەرێما کوردستانێ دەستپێکرییە و ئێکەم کاروانێ حەجییێن ھەرێما کوردستانێ ل باژێرێ مەککەیا پیرۆز بەرەف باژێرێ مەدینێ ھاتینە و بڕیارە ب رێیا ھشکانی بەرەف ھەرێما کوردستانێ ڤەگەرن ل رۆژێن بهێن ژی دێ ڤەگەرییانا حەجییێن ھەرێما کوردستانێ یا بەردەوام بیت.

کاروان ستوونی گۆت ژی” ژلایێ وەزارەتا ئەوقاف و کاروبارێن ئایینی ھەموو رێکارێن کارگێری و یێن قانوونی ھاتینە بجهئینان بۆ ئەنجامدانا حەجا ئەڤسالە و تیمێن تایبەت ھاتبوونه‌ ھنارتن بۆ وەلاتێ سعوودییه‌ ب مەرەما سەرپەرشتییا پرۆسا حەجێ و ھەموو خزمەت گوزاری پێشکێشی حەجییان ھاتینە کرن، ئەڤ سالە چار حەجییێن ھەرێما کوردستانێ د دەمێ بجهئینانا فەریزا حەجێ دا گیانێ خوە ژ دەستدایە.