سوودانى سه‌رۆكێ دیوانا چاڤدێرییا داراییا عیراقێ ژ پۆستێ وى دوورخست

سه‌رۆكوه‌زیرێن عیراقێ محه‌مه‌د شیاع سوودانى، سه‌رۆكێ دیوانا چاڤدێرییا داراییا عیراقێ رافل یاسین خزه‌یر ژ پۆستێ وى دوورخست و عه‌ممار سوبحى خه‌له‌ف ل جهێ وى دانا.

ژێده‌ره‌كى ژ حكومه‌تا عیراقێ دیاركر، سه‌رۆكێ دیوانا چاڤدێرییا داراییا عیراقێ رافل یاسین خزه‌یر ژلایێ محه‌مه‌د شیاع سوودانیڤه‌ ژ پۆستێ خوه‌ هاته‌ دوورخستن، بێى كو ئاماژه‌ ب ئه‌گه‌رێن دوورخستنا وى بهێته‌دان.

هه‌ڤده‌م ل دووڤ به‌لگه‌نامه‌یه‌كێ كو ل میدیا یا عیراقێ به‌لاڤبوویه‌، عه‌ممار سوبحى خه‌له‌ف‌ ل جهێ رافل یاسین خزه‌یر بۆ پۆستێ سه‌رۆكێ دیوانا چاڤدێرییا دارایى هاته‌ دانان.