لهتیف رهشید، سەرۆكکۆمارێ عیراقێ و شاندەکێ وەزارەتا دەرڤە یا ئیرانێ ب سەرۆکایەتییا عەلی باقری جێگرێ وهزیرێ دەرڤە یێ ئیرانێ بۆ کاروبارێن سیاسی کۆمبوون.
ل گۆرەی راگەهاندنا نڤیسینگەها سەرۆککۆمارێ عیراقێ، لەتیف ڕەشید د کۆمبوونێدا دوپاتی لسەر مۆکومکرنا پەیوەندییێن بهێز یێن دناڤبەرا بەغدا و تەهرانێ دا کر، کو دێ بیتە ئەگەرێ بەرەڤپێشڤەچوونا بەرژەوەندییێن هەڤپشک یێن گەلێن دەڤەرێ و گرنگیدانا هاریکارییان د بوارێ وزە و بازرگانییێدا.
هەروەسا سەرۆککۆمارێ عیراقێ سوپاسیا کۆمارا ئیسلامی یا ئیرانێ کر بۆ هەلویست و پشتەڤانیکرنا وان ل عیراقێ و دوپاتی ل گرنگی و هەماهەنگی و هاریکارییا دناڤبەرا هەردوو وەلاتێن جیراندا دەربارەی پرسێن هەڤپشک کر.
