<h3 style="text-align: justify;"><span style="font-size: 18pt;">ل ژێر فشارێن ئهندامێن فراكسیۆنا پارتى دیموكراتى كوردستان، وهزارهتا ناڤخۆیا عیراقێ ئهو پۆلیسه دهستهسهركرن یێن ل ناحییا ( گرعزێر ) یا سنۆرێ پارێزگهها نهینهوا ل گهنجێ كوردێ ئێزیدى داى.</span></h3> <h3 style="text-align: justify;"><span style="font-size: 18pt;">مهحما خهلیل ئهندامێ فراكسیۆنا پارتى ل پهرلهمانێ عیراقێ بۆ ئاژانسا خانى دیاركر، ئهو ل سهر وێ روودانێ بێدهنگ نابن، ژبهركو ئهگهر ئهڤ بابهته ب ساناهى دهربازببیت و چ لێكۆلین نههێنهكرن، دێ ل پاشهرۆژێ مهترسی ل سهر ههر وهلاتییهكێ ئێزیدى یێ حهزدكوت بچیته مووسل دروست كهت.</span></h3> <h3 style="text-align: justify;"><span style="font-size: 18pt;">ئاشكرا ژى كر، وان پهیوهندى ب نڤیسینگهها وهزیرێ ناڤخۆیێ عیراقێ كر، وى سۆزدا لێكۆلین ل دۆر وێ روودانێ بهێتهكرن، ههروهسا سوزدا وان پۆلیسان سزابدهن یێن ل وى گهنجێ ئێزیدى داین.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى كر، ل ژێر فشارا وان كو داخوازا ژ كارلادانا پۆلیسان كر، وهزیرێ ناڤخۆیێ عیراقێ سۆزا سزادانا پۆلیسان دایه و دووڤدا پهیوهندى ب عهمید فهلاح محهمهد عهماش فهرماندهیێ پۆلیسێن پارێزگهها نهینهوا كر، ئهوى ژى ب وان راگههاند، كو ههموو پۆلیس و ئهفسهرێن دهست دگهل وێ روودانێ ههین، هاتینه دهستهسهركرن و رێكارێن قانوونى بهرامبهر وان هاتینه وهرگرتن.</span></h3>
