ده‌سته‌یا ده‌ستپاكییا عیراقا فیدرال دیار كر، به‌رپرسه‌ك ل ده‌مێ وه‌رگرتنا به‌رتیلی دا هاتییه گرتن.
فه‌رمانگه‌ها ڤه‌كۆلینێ یا ده‌سته‌یا ده‌ستپاكییا عیراقێ دیار كرییه، ب بریارا دادوه‌رى و ل سه‌ر سكالایا هژماره‌كا وه‌لاتییان ل پارێزگه‌ها دیالا، ئۆپه‌راسیۆنه‌ك هاتییه ئه‌نجامدان و رێڤه‌به‌ره‌ك ل ده‌مێ وه‌رگرتنا به‌رتیلی هاتییه گرتن.
هه‌روه‌سا گۆت ژی، پشتى سكالا ل وى رێڤه‌به‌رى هاتییه كرن و بۆ پشتراستكرنا تۆمه‌تێن دژى وى هاتینه بلند كرن، وان بۆسه‌یه‌ك لبه‌ر وى رێڤه‌به‌رى دانایه و شیان ل ده‌مێ وه‌رگرتنا به‌رتیلان وی رێڤه‌به‌ری بگرن.
لدووڤ راپۆرته‌كا رێكخراوا نێڤده‌وله‌تییا تایبه‌تمه‌ند ب چاڤدێریكرن و به‌رهنگاربوونا گه‌نده‌لییێ، عیراق ل پلا 163ێ ژ سه‌رجه‌مێ 194 وه‌لاتێن جیهانێ دهێت د لیستا سالانه یا به‌رفره‌هبوونا به‌رتیل وه‌رگرتنێ دا و بۆ سالا دووێیه لدووڤ ئێك عیراق ل ڤێ رێزبه‌ندییێ دهێت.
