سەرۆکێ حکومەتێ: دەستا ژ ئێک بهۆستا ئاخا نیشتیمانی نا بەردەین

مه‌سرور بارزانی سه‌رۆكوه‌زیرێن هه‌رێما كوردستانێ د دیدارەکێ دا چاڤ ب ژمارەیەکا کەسایەتیان ژ تەخ و چینێن جودا یێن خەلکێ کوردستانێ کەفت و گۆتوبێژ دەربارەی ئەزموونا چەند سالان یا حکومرانیا هەرێما کوردستانێ کر، د گۆتنەکێدا سەرۆکوەزیران ڕاگەهاند، نابیت بێژین دەڤەرێن ڤەقەتیای، بەلکو پێدڤیە بێژین دەڤەرێن ڤەقەتاندین. گۆتژی:”هێشتا عەقلیەتا داگیرکاری و شوفینی یا زاڵە.”

مەسرور بارزانی ڕاگەهاند ژی، ئەم ل دژی چ نەتەوەیەکی نینین و دەستان ژ ئێک بهۆستا ئاخا نیشتیمانی نا بەردەین.

 هەروەسا گۆت:” تاوانا جینۆساید ل دژی نه‌ته‌وه‌یه‌کی هاتیە کرن، پێدڤیە حکومەتا عیراقێ قەرەبوویا تاوانان بکەت.”

دەربارەی پرسا ئاینیی، سه‌رۆكوه‌زیران مه‌سرور بارزانی ڕاگەهاند، ئایین بۆ هندێ بوویە‌، كو‌ به‌ره‌ڤ هیدایه‌ت و چاكهیێ بچیت، ئه‌گه‌ر بەروڤاژی به‌ره‌ڤ رەقییێ بچیت، ئەڤە خەلەت تێگەهشتنە، مه‌رج نینه‌ هه‌ر موسلمانەک ئیسلامی بیت، نه‌بوونا ئایینی ژی مه‌ترسییه‌كا مەزنە.

گۆتژی:”ئەم ڕێزێ ل هەمی ئایینەکی دگرین.”

دەربارەی کەرکووکێ، مه‌سرور بارزانی گۆت:”بارزانییێ نه‌مر شۆڕەشەكا مەزن  ل‌سه‌ر كه‌ركووك دانا.”