به‌رپرسێ پشكا هه‌لبژارتنان ل مه‌كته‌با رێكخستنا پارێزگه‌ها دهۆكێ یا پارتى دیموكراتى كورستان راگه‌هاند، هه‌تا نوكه زێده‌تر ژ 227 هزار كه‌سان خوه بایۆمه‌ترى نه‌كرییه و دێ ژ مافێ ده‌نگدانێ هێنه بێ به‌هركرن.
خالد ئه‌حمه‌د به‌رپرسێ پشكا هه‌لبژارتنان ل مه‌كته‌با رێكخستنا پارێزگه‌ها دهۆكێ یا پارتى دیموكراتى كوردستان بۆ ئاژانسا خانى دیاركر، ل دووڤ نووترین به‌لاڤكرنا بنگه‌هێن ده‌نگدانێ یێن ده‌ستپیكێ ئه‌وێن ژلایێ كومیسیۆنا بلندا سه‌ربه‌خۆ یا هه‌لبژارتنان هاتییه به‌لاڤكرن، ل سنۆرێ پارێزگه‌ها دهۆكێ ( 435 ) وێستگه‌هێن خوه تۆماركرنێ هاتینه گرتن و ( 227461 ) كه‌سان هه‌تا نوكه ل تۆمارا كۆمیسیۆنێ خوه بایومه‌ترى نه‌كرییه.
ئاماژه ب هندێ دا ئه‌و كه‌سێن خوه بایومه‌ترى نه‌كرى، دێ ژ مافێ ده‌نگدانێ د هه‌لبژارتنێن بهێن دا هێنه بێ به‌هركرن، ژبه‌ركو ل دووڤ قانوونا ژماره ( 4 ) یا سالا 2023ێ راستڤه‌كرنا سێیێ یا پارێزگه‌هـ و قه‌زایان یا ژماره ( 12 ) یا سالا 2018ێ مادا 14ێ ( ب تنێ دێ هه‌لگرێ كارتا ده‌نگدانێ یا نووكرى یا بایومه‌ترى یا ده‌م درێژ ) مافێ ده‌نگدانێ هه‌بیت.
