سهرۆك مهسعوود بارزانى پێشوازى ل كونسۆلێ گشتییێ فرهنسا ل ههولێرێ كر و دوستایهتییا دناڤبهرا گهلێ كوردستانێ و فرهنسادا دووپاتكر.
سهرۆك بارزانى ل پیرمام پێشوازى ل ئۆلیڤییێ دیكۆتینى كونسۆلێ گشتییێ فرهنسا ل ههولێرێ كر، كو كونسۆلێ گشتییێ فرهنسا ب ههلكهڤتا ب دووماهى ئهرك و كارێن خوه ل ههرێما كوردستانێ سهرهدانا سهرۆك بارزانى كربوو.
كونسۆلێ گشتییێ فرهنسا سلاڤێن سهرۆك ماكرۆنى ب سهرۆك بارزانى گههاندن، رۆل و شوونتبلێن سهرۆك بارزانى ل پاراستنا پرۆسهیا سیاسى و چارهنڤیسێ گهلێ كوردستانێ ب كارتێكهر و سهرهكى ل قهلهمدان، ههروهسا پێزانین بۆ خهلكێ كوردستانێ و حكومهتا ههرێما كوردستانێ ههبوون، خۆشحالییا خوه راگههاند كو شیایه ل كوردستانێ گهلهك دوستان پهیدابكهت، ههڤدهم خهبات و قوربانیدان و ماندیبوونا گهلێ كوردستانێ بۆ گههشتن ب ئازادییێ بلند نرخاندن.
كونسۆلێ گشتییێ فرهنسا ئهوژى دیاركر، د ههموو ئاستاندا چ ژ پێخهمهت حكومهتێ و چ ژ پێخهمهت خهلكى و رایا گشتییا فرهنسا، دڤێت فرهنسا دوست و پشتهڤانا گهلێ كوردستانێ بیت.
ههر دوێ دیدارێدا سهرۆك بارزانى زێدهبارى دووپاتكرنا دوستایهتییا دناڤبهرا گهلێ كوردستانێ و فرهنسادا، سوپاسییا بزاڤ و كارێن باش یێن ئۆلیڤییێ دیكۆتینى، كونسۆلێ گشتییێ فرهنسا ل ماوێ كاركرنێ ل ههرێما كوردستانێ كر، ب دوستهكێ باش یێ خوه و گهلێ كوردستانێ هژمارت، هیڤییا سهركهڤتنێ د ئهرك و كارێن نوودا بۆ خواست.
