بەرپرسەکا وەزارەتا چاندنێ: بزاف دھێنە کرن گەنمێ جۆتیاران ل ناڤخۆ بھێتە وەرگرتن

ئاژانسا خانی” تایبەت:

بەرپرسەکا وەزارەتا چاندنێ ئاشکرا کر، بڕیارە ١٢ی ھەیڤێ پرۆسا وەرگرتنا گەنمێ جۆتیاران ب دووماھی بھێت و مە داخواز کرییە ل ناڤخۆیا ھەرێما کوردستانێ رێژەکا بەرھەمێ گەنمی بھێتە وەرگرتن.

د. زێدا محەمەد، رێڤەبەرا گشتییا پلاندانانێ ل وەزارەتا چاندنێ بۆ ئاژانسا خانی دیارکر” رۆژا ١٢ی ھەیڤێ دێ پرۆسا وەرگرتنا گەنمێ جۆتیاران ب دووماھی ھێت و مە داخواز کرییە پرۆسا وەرگرتنا گەنمێ جۆتیاران بھێتە درێژ کرن و ئەو رێژا بۆ ھەرێما کوردستانێ ژی ھاتییە دیار کرن بھێتە زێدەکرن، چونکی ب تنێ ٥٠٠ ھزار تەنێن گەنمی ژلایێ بەغداڤە دھێنە وەرگرتن و بەرھەمێ جۆتیاران ژی زێدەترە ل ئەڤێ رێژا ھاتییە دیار کرن.

ناڤهاتییێ گۆت ژی” لیژنەک ھاتییە پێکئینان ب سەرۆکاتییا وەزیرێ بازرگانی و داخواز ژ سەرۆکاتییا جڤاتا وەزیران ھاتییە کرن ژلایێ دو کۆمپانیێن ناڤخۆ بەرھەمێ گەنمی ژ جۆتیاران بھێتە وەرگرتن، بەلێ ھێشتا بڕیارا دووماھییێ نەھاتییە دان دێ چەند گەنم ھێتە وەرگرتن بزاڤێن مە دێ بەردەوام بن بۆڤێ چەندێ” كو زۆرترین رێژا گەنمی بھێتە وەرگرتن.