وەزارەتا ژینگەها عێراقێ: 90% ێ یا ئاڤا رووبارێ دیجلەیی پیسبوویە

عێراق ئێکە ژ وان وه‌لاتێن کاریگەرییا گوهۆرینا سه‌قایی ل سەرە و ل هنده‌ک ده‌ڤه‌ران ب ته‌مامی ئه‌و گوهۆرینه‌ چێبووینه.

نوكه‌ ره‌وشا پارێزگه‌ها میسان ژ زیقار باشتر نینه‌، ماسی ژناڤچووینه‌ و سەرئاڤ کەفتینه‌” ل رووبارێ عز رێژا سویربوونا ئاڤێ 20 جاران پتر لێهاتییه‌، ژ ئه‌گه‌رێ کێم ئاڤییێ، 17 هزار جۆتیار دەستبەرداری كارێ چاندنێ بووینه‌.

 لدووڤ ئامارێن کۆمەلا نیشتمانى بۆ بەرهەمئینانا ماسییان ل عێراقێ، ژیانا نێزیکى 2 ملیۆن کەسان ل سەر بخودانكرنا ماسییانە و پێشتر سالانە ب تنێ د حەوزێن دەستکرد دا پتر ملیۆن ته‌نێن ماسییان دهاتنه‌ بەرهەم ئینان، بەلێ نوكه‌ بۆ 400 هزار ته‌نان داكه‌فتییه‌.

وەزارەتا ژینگەها عێراقێ دبێژیت، پیسبوونا ئاڤا رووبارێ دیجلەیی 90 %ێ ده‌ربازكرییه‌، ئه‌ڤه‌ رێژەكا زۆرا مەترسیدارە، هه‌تا نوكه‌ چارەسەرییا دروست بۆ نه‌هاتییه‌ كرن.