فازل میرانى : كۆمبوونا مه‌ دگه‌ل ئێكه‌تییێ یا ئه‌رێنى بوو

به‌رپرسێ ده‌سته‌یا كارگێرییا مه‌كته‌با سیاسییا پارتى راگه‌هاند، كۆمبوونا وان دگه‌ل ئێكه‌تییێ یا ئه‌رێنى بوو.

فازل میرانى به‌رپرسێ ده‌سته‌یا كارگێرییا مه‌كته‌با سیاسییا پارتى دیموكراتى كوردستان راگه‌هاند، وان وه‌ك پارتى نه‌گوتییه‌ كو ئێكه‌تییێ هێز نینه‌، ل ده‌مێ خوه‌ ئێكه‌تییێ كورسییێن پێدڤى نه‌ئینان و وان پۆستێ سه‌رۆكوه‌زیران پێدایه‌ و چ جاران سه‌ره‌ده‌رییا كورسییان دگه‌ل ئێكه‌تییێ نه‌كرییه‌، پارتى به‌رژه‌وه‌ندییا هه‌رێما كوردستانێ به‌رچاڤ وه‌ردگریت.

فازل میرانى راگه‌هاند ژى، سیاسه‌ت زانسته‌ و میزاج نینه‌، پشت راستبن ده‌رگه‌هێ خوه‌ ناگرن، د كۆمبوونێن پاشه‌رۆژێدا ئاریشه‌یێن دى ژى دێ هێنه‌ چاره‌سه‌ركرن.

گوت ژى: به‌رپرسیاره‌تییا وان دقووناغا نوكه‌دا پاراستنا قه‌واره‌یێ هه‌رێما كوردستانێ و به‌رده‌وامبوونا دیموكراتییه‌ت و پێكڤه‌ژیان و كرنا هه‌لبژارتنان بۆ چاره‌سه‌ركرنا وێ ڤالاهییا ده‌ستوورییه‌.