ل دووڤ دووماهى خهملاندنا دستهیا ئامارێن ههرێما كوردستانێ، حهفت ملیۆن و 426 هزار كهس ل ههرێما كوردستانێ دژین، ژمارهیا ئاكنجییێن عیراقێ ژى ل سێ سالێن بوورى پێنج ملیۆن كهسان زێدهكرییه.
سیروان محهمهد سهرۆكێ دهستهیا ئاماران ل ههرێما كوردستانێ دیاركر، ل دووڤ خهملاندنهكێ كو ژلایێ دهستهیا ئامارێن ههرێما كوردستانێڤه هاتییهكرن، ئهو پێشبینى دكهن ههتا دووماهییا سالا 2023ێ ژمارهیا ئاكنجییێن ههرێما كوردستانێ بگههیته شهش ملیۆن و 550 هزار كهسان، ژبلى ژمارا ئاواره و پهنابهران.
سهبارهت ژمارهیا نوكه یا ئاكنجییێن ههرێما كوردستانێ، سیروان محهمهدى گوت: نوكه نێزیكى حهفت ملیۆن و 426 هزار كهسان ل ههرێما كوردستانێ دژین، كو 660 هزار ئاواره و 266 هزار پهنابهرن.
