سەفین دزەیی: ل حه‌فتییا بهێت شانده‌كێ هەرێما كوردستانێ دێ سەره‌دانا ئەمریكا كه‌ت

سەرۆكێ فەرمانگەها پەیوەندییێن ده‌رڤه‌ ل حكومەتا هەرێما كوردستانێ، ل ساڵڤەگەرا چارێ یا دامەزراندنا كابینا نه‌هێ یا حكومەتێدا، زێده‌باری چالاكییێن دبلۆماسی گۆت، ل حه‌فتییا بهێت شانده‌كێ هەرێما كوردستانێ  دێ سەره‌دانا ئەمریكا كه‌ت.

سەفین دزەیی گۆت ژی: ”پەیوەندییێن نێڤدەولەتی و دبلۆماسی چ ده‌مان راناوه‌ستن و پەیوەندی د بەردەوامن، بەلێ لدووڤ قووناغان رەنگە جۆداهی دروست ببیت.

ئه‌و ژی دیار كر: د ده‌مێ كابینا نه‌هێ دا هه‌تا نوكه‌، كونسولخانا ئەرمەنستانێ ل هەرێما كوردستانێ هاتییه‌ ڤه‌كرن، هەروەسا قەتەرێ بڕیار دایە ل ڤان نێزیكان دێ كونسولخانا خۆ ڤه‌كه‌ت، ئازەربایجانێ ژی ئامادەییا خۆ بۆ ڤه‌كرنا كونسولخانێ دەربرییە.