وەزیرێ خواندنا بلند دێ مەرج و رێنمایێن ڤەگوھاستنا قۆتابییان ئیمزا کەت

ئاژانسا خانی” تایبەت:

پەیڤدارێ وەزارەتا خواندنا بلند و ڤەکۆلینێن زانستی ئاشکرا کر، ل نێزیک دێ وەزیرێ خواندنا بلند مەرج و رێنمایێن ڤەگۆھاستنا قۆتابییان دناڤبەرا زانکۆیێن ھەرێما کوردستانێ ئیمزا کەت.

 عەباس ئەکرەم، پەیڤدارێ وەزارەتا خواندنا بلند و ڤەکۆلینێن زانستی بۆ ئاژانسا خانی دیار کر” ل دەمەکێ نێزیک دێ وەزیرێ خواندنا بلند مەرج و رێنمایێ پێدڤی دەرکەت بۆ ڤەگۆھاستنا قۆتابییان دناڤبەرا زانکۆیێن ھەرێما کوردستانێ و ئەڤ پرۆسە دێ ب شێوەکێ ئەلکترۆنی کەڤیتە کاری و  دێ ھێتە ئیمزا کرن ژلایێ وەزیرێ خواندنا بلند ڤه‌.

ناڤهاتی گۆت ژی” خۆلەکا دی بۆ ئه‌زموونێن خواندنا بلند دێ ھێتە ئەنجامدان ژبۆ وەرگرتنا قۆتابییان بۆ وەرگرتنا وان ل خواندنا ماستەر و دکتۆرا و دبلۆما بلند، ل رۆژێن بوری ئەنجامێن ئه‌زموونێن  خواندنا بلند ھاتبوو راگەھاندن و ھژمارەکا زۆرا قۆتابییان ھاتینە وەرگرتن.