وەزیرێ دارایی دەربارەی مووچەیێ هەیڤا شەش رۆهنکرنێ ددەت

وەزیرێ دارایی یێ هەرێما کوردستانێ دەربارەی هنارتنا موچەیێ فەرمانبەران ژ لایێ بەغدا ڤە ڕاگەهاند،”ئەم چاڤەڕێی کۆمبوونا سۆبەهی یا جڤاتا وەزیرێن عیراقێینە، دا بزانین دێ چ بڕیار دەت، پێدڤییە مووچەی ددەمێ خۆ دا بهنێریت.”

ئاوات شێخ جەناب، وەزیرێ دارایی و ئابووری یێ هەرێما کوردستانێ د داخویانیەکا ڕۆژنامەڤانیدا ڕاگەهاند، د ئەڤێ کابینەیێدا مە گۆمرک ساخکرینە و داهاتێ گۆمرکان دوو قات زێدەبوویە.، گۆتژی:”بهایێ گومرکی دگەل بەغدا هاتیە ڕێکخستن.”

وەزیرێ دارایی دەربارەی هنارتنا موچەیێ فەرمانبەران ژ لایێ بەغدا ڤە و ب تایبەت مووچەیێ هەیڤا شەش، ئاماژەکر، ” ئەم چاڤەڕێی کۆمبوونا سۆبەهی یا جڤاتا وەزیرێن عیراقێینە، دا بزانین دێ چ بڕیار دەت، پێدڤییە مووچەی ددەمێ خۆ دا بهنێریت “.

دەربارەی یاسایا چاکسازییێ د کابینەیا نەهێ یا حکومەتا هەرێما کوردستانێ دا ڕاگەهاند، یاسایا چاکسازییێ بۆ نەهێلانا نە یەکسانییێ 90% گەهشتیە ئارمانجا خۆ.