سەنتەرێ ڤەكۆلینێن یاسایی و رامیاری ل كۆلیژا یاسا ل زانکۆیا دهۆك راگههاند، دێ كۆربەندەكێ زانستی ب ناڤێ ( چارەسەریێن یاسایی بۆ دیاردا ب ھەدەردانا خوارنێ ل ھەرێما كوردستانێ گێریا.
سەنتەرێ ڤەكۆلینێن یاسایی و رامیاری ل كۆلیژا یاسا ل زانکۆیا دهۆكێ دیاركر، كۆربەندەكێ زانستی ب ناڤێ ( چارەسەریێن یاسایی بۆ دیاردا ب ھەدەردانا خوارنێ ل ھەرێما كوردستانێ ) دێ ل رۆژا پێنج شەمبی 13ى تهمموزا 2023ێ ل دەمژمێر 10ى سپێدێ ل هۆلا قوبەهان ل کۆلیژا یاسا گێریت.
ئاشكرا ژى كر دکۆربەندی دا، چار بابەت ل دۆر دیاردا ب هەدەردانا خوارنێ دێ هێنە پێشکێشکرن، کو ل دەستپێکێ فەهیم عەبدوللا حەمۆ، سەرۆکێ جڤاتا پارێزگەها دهۆکێ، دێ بابەتەکی ل دۆر ( دیاردا ب هەدەردانا خوارنێ، ئاریشە و چارەسەری ل گۆرەی دیتنا جڤاتا پارێزگەها دهۆکێ ) پێشکێشکەت، پاشی بابەتەك ب ناڤێ ( کارتێکرنا ب هەدەردانا خوارنێ ل سەر ژینگەهێ و ئابووری، بەرهەمئینانا سەمادی ژ بەرمایکێن خوارنێ: رێکارێن پێدڤی بۆ بەرتەنگکرنا ب هەدەردانا خوارنێ ) دێ ژلایێ ئەندازیار شێرزاد ئەمین عەلیڤە هێتە پێشکێشکرن، ژلایێ خۆ ڤە، د. عابد حەسەن جەمیل دێ بابەتەکی ل دۆر ( هەلویستێ شەریعا ئیسلامییێ ژ دیاردا ب هەدەردانا خوارنێ ) پێشکێشکەت، ل دووماهیبێ ژی د. عەبدولکەریم سالح عەبدولکەریم دێ بابەتێ خۆ یێ ب ناڤێ ( بەرەڤ دارشتنا پرۆژەیاسایەکێ بۆ نەهێلانا دیاردا ب هەدەردانا خوارنێ ) پێشکێشکەت.
