وەزیرێ کارەبێ: د پلانا مە دایە کارەبا 24 دەمژمێری دابین بکەین

کەمال محەمەد ساڵح، وەزیرێ کارەبێ هەرێما کوردستانێ د ڕاگەهاندنەکێدا گۆتیە:”بۆ دەمێ دوو سالایە ئەم کار لسەر پرۆژەیێ ریپەید دکەین و ب ئەگەرێ سیستەمێ پریپەید مە کارەبا بەردەوام بۆ هندەک جهان ل هەولێر و سلێمانییێ و دهۆکێ دابین کریە.”

دیار کریە ژی، ب ئەگەرێ بکارئینا سیستەمێ پریپەید وەلاتی بتنێ دێ ئێک کۆژمێ کرێیا کارەبێ دەت.

کەمال محەمەد ئاماژە کریە، ب بهایێ 156 دیناران بۆ هەر کیلۆواتەکێ بەراورد دگەل کرێیا ساڵا بووری یا هەمان هەڤپشک ب دوو ژێدەرێن کارەبێ ڤە، دێ 90 هزار دیناران کێمتر لسەر راوستیت و کارەبا وی ژی دێ بیتە 24 دەمژمێری.

وەزیرێ کارەبێ ئاشکراکر، تا نوکە زێدەتر ژ 185 موەلیدەیێن مەزن یێن ئێک تا دوو مێگاواتی ب ئەگەرێ پرۆژەیێ پریپەید ژ کاری ڕاوستیاینە کو کارتێکرن لسەر ژینگەهێ هەبوو.

هەروەسا کەمال محەمەد گۆت:”د پلانا مە دایە کارەبەکا 24 دەمژمێری دابین بکەین.”