ئه‌و كه‌سێن بۆ زێره‌ڤانییا سنۆرى هاتینه‌ وه‌رگرتن دێ ب نامه‌یه‌كێ هێنه‌ ئاگه‌هداركرن

په‌یڤدارێ ده‌ڤه‌را ئێك یا زێره‌ڤانێن سنۆرى راگه‌هاند، دماوێ 24 ده‌مژمێراندا هه‌ر كه‌سه‌كێ ناڤێ وى بۆ زێره‌ڤانییا سنۆرى هاتبیت، وه‌زاره‌تا ناڤخۆیا عیراقێ دێ ب رێكا كورته‌ نامه‌یه‌كێ  وى ئاگه‌هداركه‌ت.

عه‌قید كاروان خۆشناو په‌یڤدارێ ده‌ڤه‌را ئێك یا زێره‌ڤانێن سنۆرى دیاركر، هه‌لبژارتنا كه‌سان دێ ب رێكا كورته‌ نامه‌یه‌كێ بیت، ئانكو ئه‌و ناڤێن هاتینه‌ وه‌رگرتن ب لیسته‌ ناهێنه‌ به‌لاڤكرن، هه‌ر كه‌سه‌كێ پێشتر ناڤێ خوه‌ تۆماركربیت و كۆد بۆ چووبیت، ئه‌گه‌ر ناڤێ وى هاتبیته‌ وه‌رگرتن، ئه‌ڤرۆ دێ هێته‌ ئاگه‌هداركرن.

گوت ژى : بۆ هه‌موو عیراقێ شه‌ش هزار كه‌س دێ هێنه‌ دامه‌زراندن، ژ وێ ژمارێ 2600 بۆ هه‌رێما كوردستانێ نه‌، دڤێت چاڤه‌رێبن داكو بزانن دێ چه‌ند كه‌س هێنه‌ ئاگه‌هداركرن.