ئەڤرۆ ڕۆژا دووشەمبییێ دگەل ڤەبوونا بازاڕێ ئاسیا بهایێ پەترۆلێ دكەفت، ژبەر گەشەکرنا ئابوورێ چین و دەست ب هنارتنا پەتڕۆلا لیبیا هاتەکرن.
ئەڤرۆ 17-07-2023 بهایێ ئێك بەرمیلا پەتڕۆلا برێنت 72 سەنت کو دبیتە 0.9٪ داكەفتییە و ب 79 دۆلار و 15 سەنتا بازار پێ دهێتەکرن.
ئەڤە ژی هەمبەر ڕۆژا ئەینییا بووری کو 1 دۆلار و 25 سەنت ب رێژا 1.6٪ بهایێ پەتڕۆلێ بلندببوو و گەهشتبوو ب 81 دۆلار و 57 سەنت، ئەڤە ژی بلندترین بهابوو کو هەر ژ 25ی نیسانا ئەڤسالە هەتا نوکە تۆمارکربیت.
دگەل بەلاڤبوونا داتایێن نڤێسینگەها ئامارێ یا نشتیمانی یا چینی، بهایێ پەتڕۆلێ داكەفتییە ژبەرکو چین لسەر ئاستێ جیهانێ یا دووێ یە بۆ بکارئینانا پەترۆلێ.
