ده‌سته‌یا ده‌ستپاكییێ مارسیدسه‌كا جى كلاس ژ به‌رپرسه‌كى وه‌رگرت

ده‌سته‌یا ده‌ستپاكییا عیراقێ راگه‌هاند، پێنج ملیۆن دۆلار و ترۆمبێله‌ك ژ به‌رپرسه‌كى هاتنه‌ وه‌رگرتن كو ب شێوه‌یه‌كێ نه‌قانوونى ب ده‌ست كه‌ڤتبوون، هه‌روه‌سا ده‌ست ب سه‌ر مال و مولكێ ڤه‌گۆهاستى و نه‌ڤه‌گۆهاستى یێ به‌رپرسه‌كێ دیدا  هاته‌ گرتن، كو پێنج ملیۆن دۆلار ب نه‌قانوونى ب ده‌ست كه‌ڤتبوون.

حه‌یده‌ر حه‌نوون، سه‌رۆكێ ده‌سته‌یا ده‌ستپاكییا عیراقێ راگه‌هاند، وان سێ كاروانێن پاره‌ى ڤه‌گه‌راندنه‌ گه‌نجینه‌یا ده‌وله‌تێ كو ژ ئه‌گه‌رێ گه‌نده‌لییێ ب ده‌ست كه‌ڤتبوون.

حه‌یده‌ر حه‌نوون گوتى : پێنج ملیۆن دۆلار و دوو ترۆمبێل ژ رێڤه‌به‌رێ به‌رێ یێ باجا ئه‌نبار هاتنه‌ وه‌رگرتن كو ب شێوه‌یه‌كێ نه‌قانوونى ب ده‌ست كه‌ڤتبوون، ئێك ژ وان ترۆمبێلان ژ جۆرێ مارسیدس جى كلاس بوو و بهایێ وێ 250 هزار دۆلاربوون.

سه‌رۆكێ ده‌سته‌یا ده‌ستپاكییێ ئاماژه‌ ب هندێ ژى دا، بریار هاته‌ دان ب شێوه‌یه‌كێ ده‌مكى ده‌ست ب سه‌ر مۆلك و مالی ڤه‌گۆهاستى و نه‌ڤه‌گۆهاستیدا یێ هاریكارێ پارێزگارێ به‌غدا بۆ كاروبارێن هونه‌رى بهێته‌گرتن، كو پێنج ملیۆن دۆلار ب نه‌قانوونى ل مال و مولكێ وى زێده‌ببون و نوكه‌ مژوولى ڤه‌گه‌راندنێ نه‌.