وه‌زاره‌تا كاره‌بێ : چه‌ند یه‌كه‌یێن نوو یێن به‌رهه‌مئینانا كاره‌بێ دێ كه‌ڤنه‌ كارى

بۆ دابینكرنا كاره‌به‌كا باشتر بۆ وه‌لاتییان، چه‌ند یه‌كه‌یێن نوو یێن به‌رهه‌مئینان و ڤه‌گۆهاستن و به‌لاڤكرنا كاره‌بێ ل پارێزگه‌هـ و ده‌ڤه‌رێن جۆدا یێن هه‌رێمێ دێ كه‌ڤنه‌ كارى.

وه‌زاره‌تا كاره‌بێ راگه‌هاند، كه‌مال محه‌مه‌د سالح وه‌زیرێ كاره‌بێ سه‌ره‌دانا كۆنترۆلێ كاره‌با هه‌رێمێ كر و ژ نێزیك ئاگه‌هدارى سیسته‌مێ كۆنترۆلێ كاره‌بێ ل وه‌رزێ گه‌رما هاڤینێ و بلندبوونا خواستا ل سه‌ر كاره‌بێ بوو.

ئاماژه‌ ب هندێ ژى دا، وه‌زیرێ كاره‌بێ هه‌ر دڤێ سه‌ره‌دانێدا، بۆ دابینكرنا كاره‌به‌كا باشتر بۆ وه‌لاتییان، بریاردا چه‌ند یه‌كه‌یێن نوو یێن به‌رهه‌مئینان و ڤه‌گۆهاستن و به‌لاڤكرنا كاره‌بێ ل پارێزگه‌هـ و ده‌ڤه‌رێن جۆدا یێن هه‌رێمێ بكه‌ڤنه‌ كارى و كێم و كۆری بهێنه‌ چاره‌سه‌ركرن.

وه‌كو دراگه‌هاندنا وه‌زاره‌تا كاره‌بێدا هاتى، بریكارێ وه‌زاره‌ت و رێڤه‌به‌رێن گشتییێن به‌رهه‌مئینان و ڤه‌گۆهاستنا كاره‌بێ دڤێ سه‌ره‌دانێدا دگه‌ل وه‌زیرێ كاره‌بێ بون، هووركارییێن سیسته‌مێ كاره‌بێ ژلایێ شیره‌تكاران و ئومێد ئه‌حمه‌د رێڤه‌به‌رێ كۆنترۆلێ كاره‌با هه‌رێمێ ڤه‌ هاتنه‌ دیاركرن.