پێشبینى دهێته‌كرن هه‌تا دووماهییا ئه‌ڤ ساله‌ 10 پشكێن ئارى بهێنه‌ به‌لاڤكرن

ده‌ست ب به‌لاڤكرنا پشكا پێنجێ یا ئارى هاته‌ كرن، پێشبینى دهێته‌كرن هه‌تا دووماهییا ئه‌ڤ ساله‌ 10 پشكێن ئارى بهێنه‌ به‌لاڤكرن.

سه‌فین ته‌حسین رێڤه‌به‌رێ رێڤه‌به‌رییا دروستكرنا دان و دكاكان ل دهۆكێ بۆ ئاژانسا خانى دیاركر، ئه‌ڤرۆ ده‌ست ب به‌لاڤكرنا پشكا پێنجێ یا ئارى هاتییه‌ كرن، وه‌كو هه‌یڤێن بوورى ئاری ئه‌ڤ جاره‌ ژى ب كوالیتییه‌كا گه‌له‌ك باشه‌.

ئاماژه‌ ب هندێ دا، ل سالا بوورى هه‌موویێ پێنج پشكێن ئارى هاتبوونه‌ به‌لاڤكر، لێ د ئه‌ڤ ساله‌دا هه‌تا نوكه‌ پێنج پشك هاتینه‌ به‌لاڤكرن، ئه‌گه‌ر چ ئاریشه‌ نه‌بن، ئه‌و پێشبینى دكه‌ن هه‌تا دووماهییا ئه‌ڤ ساله‌ 10 پشكێن ئارى ب سه‌ر وه‌لاتییاندا به‌لاڤ بكه‌ن.

ژلایه‌كێ دیڤه‌ نه‌وزاد شێخ كامل رێڤه‌به‌رێ گشتییێ بازرگانى ل وه‌زاره‌تا بازرگانى و پیشه‌سازییا هه‌رێما كوردستانێ دیاركر، ئه‌و ئارێ دێ هێته‌ به‌لاڤكرن ب كوالیتییه‌كا باشه‌، تێكه‌لێ گه‌نمێ كه‌ركووك، گه‌نمێ هاورده‌ یێ ئه‌مریكى و ئوسترالییه‌.