ئێكهتییا زانایێن ئایینێ ئیسلامێ كوردستان پهیامهكا پیرۆزباهییێ ب ههلكهڤتا سهرێ سالا كۆچى بهلاڤكر و تێدا پیرۆزباهى ل ههموو موسلمانان ب تایبهتى موسلمانێن كورد كر.
ئێكهتییا زانایان د پهیاما پیرۆزباهییێدا راگههاند، ب ههلكهڤتا هاتنا ئێكێ موحهرهمێ 1445 هیجرى سهرێ سالا كۆچى، پر ژ دل پیرۆزباهییێ ل تماما موسلمانان ب گشتى و موسلمانێن كورد ب تایبهت دكهن، ب هیڤییا هندێ سالا نوو ببیته پالدهرهك بۆ زێدهكرنا گیانێ ههستێ دیندارى و ب خۆداچوون و پێنگاڤ هاڤێتن بهرهڤ كارێن باش و مرۆڤ دۆستییێ.
راگههاند ژى، روودانا كۆچكرنێ وهرچهرخانهكا گرنگا مێژووییا مرۆڤایهتییێ بوو، ژ پێخهمهت پابهندبوون ب ئیمانێ و بجهگههاندنا فهرمانا خۆداى و پاراستنا عهقیده و سهرخستنا رێیا خۆدێ نیاسن و عهدالهتێ.
ههروهسا راگههاند، كۆچا پێغهمبهرى ( سلاڤێن خۆدێ ل سهر بن ) ژ مهككهها پیرۆز بۆ مهدینێ دیاردكهت، كو پێدڤییه حهژێكرنا سهروهرێ ئیسلامێ بكهنه بنیاتێ گرنگیدانا تمام ب دیندارى و مزگهفت و برایهتى و پێكڤهژیانا ئاشتییانه، ههستێ حهژێكرنا ئاخ و نیشتیمانى بهرچاڤ وهربگرن، ههروهسا نابیت ل چ دهمان رهشبین و بێ ئومێدبن، بهلكو پشتبهستنێ ل سهر خۆدای بكهن و رێكارێن پێدڤى بۆ سهركهڤتنێ نێزیك ببینن.
ئێكهتییا زانایان دپهیاما خوهدا ئاماژه ب هندێ كر، كۆچ د مێژوویا موسلماناندا روودانهكا مهزن و پرى وانهیه، هێمایێ قورتالبوونێ یه ژ زۆلمێ و قووناغهكا نوو یا دامهزراندنا دهولهت و ئیدارهكرنێ و دهركرنا دهستوور و قانوونێ و پێكڤهژیانا ئایینى و نهتهوهییه، بۆ جارا ئێكێ د دهستوورهكێ نڤیسیدا ئهرك و مافێن ههموو پێكهاتهیێن جۆدا هاتنه دیاركرن، د ههمان دهمدا بنیاتێ دامهزراندنا كۆمهلگهههكێ بوو ل سهر بنهمایێن دادپهروهرى و دلسۆزى و برایهتى و راستگۆیى و ههماههنگییێ.
د دووماهییا پهیامێدا هاتییه، دووباره پیرۆزباهییێ ل ههموو لایهنان دكهن، سلاڤ بۆ گیانێ پاقژێ پێغهمبهرى و ههڤالێن وى كو بوونه سهركێشێن كۆچكرن و وهرچهرخانا مێژوویا موسلمانان.
