پشكا په‌یوه‌ندى و راگه‌هاندنا رێڤه‌به‌رییا ده‌رییێ سنۆرییێ ئیبراهیم خه‌لیل ل زاخۆ راگه‌هاند، د ماوێ شه‌ش هه‌یڤاندا پتر ژ هه‌شت هزار ته‌نێن كه‌لوپه‌لان نه‌هاتینه په‌سه‌ندكرن.
پشكا په‌یوه‌ندى و راگه‌هاندنا رێڤه‌به‌رییا ده‌رییێ سنۆرییێ ئیبراهیم خه‌لیل دیاركر، ژ 1-1-2023ێ هه‌تا 30-6-2023یێ ( 8342 ) ته‌نێن كه‌لوپه‌لێن جۆره‌وجۆر ل تاقیگه‌هـ و لژنه‌یێن په‌یوه‌ندیدار یێن سه‌ر ب رێڤه‌به‌رییا ده‌رییێ نێڤده‌وله‌تییێ ئیبراهیم خه‌لیل ڤه نه‌هاتنه په‌سه‌ندكرن، به‌هرا پتر یا وان كه‌لوپه‌لان هاتینه ڤه‌گه‌راندن و پشكه‌ك ژێ هاتینه ژناڤبرن، ژبه‌ركو ئه‌و كه‌لوپه‌له دگه‌ل رێنمایێن حكومه‌تا هه‌رێما كوردستانێ نه‌دگونجان.
ئاشكرا ژى كر، رێژه‌یا پتر یا وان كه‌لوپه‌لان یێن خوارن و ڤه‌خوارنێ بوون، كه‌لوپه‌لێن دى ژى ژ كه‌لوپه‌لێن كوزماتیك، فیتێرنه‌رى، چاندن و پیشه‌سازییێ پێكهاتبوون.
پشكا په‌یوه‌ندى و راگه‌هاندنا رێڤه‌به‌رییا ده‌رییێ سنۆرییێ ئیبراهیم خه‌لیل دیاركر، ئه‌و ب ناڤێ رێڤه‌به‌رییا ده‌رییێ سنۆرى، ده‌ستخۆشى و سوپاسییا هه‌موو وان ستاف و فه‌رمانبه‌ران دكه‌ن یێن ئه‌ركێن خوه ب خه‌مخورى و دلسوزیڤه بجهـ گه‌هاندى.
